Этек чакъмакълары баш джаргъан, сёлешген сёзлери таш джаргъан.
Азыкълы ат арымаз, къатыны аман джарымаз.
Ашха уста, юйюнде болсун
Ач уят къоймаз.
Халкъны джырын джырласанг, халкъ санга эжиу этер.
Игилик игилик бла сингдирилиучю затды.
Айтхан – тынч, этген – къыйын.
Билим къая тешер.
Ашын ашагъанынгы, башын да сыйла.
Мени джылытмагъан кюн, меннге тиймесин!
Насыблы элин сюер, насыбсыз кесин сюер.
Чомарт къолда мал къалмаз.
Къартны бурнун сюрт да, оноугъа тут.
Берекет берсин деген джерде, берекет болур.
Аллахдан тилесенг, кёб тиле.
Алма терегинден кери кетмез.
Акъыл бла адеб эгизледиле.
Адамны артындан къара сабан сюрме.
Терек ауса, отунчу – кёб.
Адебни адебсизден юрен.
Аллахха ийнаннган кишини, Аллах онгдурур ишин.
Башсыз урчукъ тюзюне айланмаз.
Ашхы тенг джолгъа салыр, аман тенг джолдан тайдырыр.
Тил джюрекге джол ишлейди.
Атлыны кёрсе, джаяуну буту талыр.
Кесинге джетмегенни, кёб сёлешме.
Бермеген къол, алмайды.
Дженгил джетерикме деб, узун джолну къоюб, къысхасын барма.
Къонакъ кёб келюучю юйню, къазаны отдан тюшмез.
Ёлген ийнек сютлю болур.
Алим болгъандан эсе, адам болгъан къыйынды.
Джетген къыз джерли эшекни танымаз.
Кёрмегеннге кебек – танг, битмегеннге сакъал – танг.
Гугурук къычырмаса да, тангны атары къалмаз.
Эр сокъур болсун, къатын тилсиз болсун.
Арба аугъандан сора, джол кёргюзтюучю кёб болур.
Къатын къылыкъсыз, эр тынчлыкъсыз.
Уллу айтханны этмеген – уллаймаз.
Адам боллукъ, атламындан белгили болур.
Джукъу тёшек сайламайды.
Эл тойса, тоймагъан, эл къойса, къоймагъан.
Джаз бир кюнню джатсанг, къыш талай кюнню абынырса.
Алтыда кюлмеген, алтмышда кюлмез.
«Ма», - дегенни билмесенг, «бер», - дегенни билмезсе.
Эли джокъну – кёлю джокъ.
Хоншуну тауугъу къаз кёрюнюр, келини къыз кёрюнюр.
Айран ичген – къутулду, джугъусун джалагъан – тутулду.
Къолунгдан къуймакъ ашатсанг да, атаны борчундан къутулмазса.
Къарнынг къанлынга кийирир.
Биреуню тёрюнден, кесинги эшик артынг игиди.
knopka s geometri4eskimi figurami