Къайгъыны сюйген, къайгъы табар.
Къарт болгъан джерде, берекет болур, сабий болгъан джерде, оюн болур.
Джылкъыдан – ат чыгъар, тукъумдан – джаш чыгъар.
Иги сёз – джаннга азыкъ, аман сёз башха – къазыкъ.
Ойнай-ойнай кёз чыгъар.
Биреуге аманлыкъ этиб, кесинге игилик табмазса.
Бет бетге къараса, бет да джерге къарар.
Эркишиге тары кебек танг кёрюнюр.
Иги бла джюрюсенг, джетерсе муратынга, аман бла джюрюсенг, къалырса уятха.
Хунаны тюбюн къазсанг, юсюнге ауар.
Арба аугъандан сора, джол кёргюзтюучю кёб болур.
Бетинги сатма, малынгы сат.
Суугъа – чабакъ, къаягъа – ыргъакъ.
Акъылсызны джууукъгъа алма, акъыллыны кенгнге салма.
Нарт сёз къарт болмаз.
Ётген ёмюр – акъгъан суу.
Адеб джокъда, намыс джокъ.
Уруну арты – къуру.
Ичимден чыкъды хата, къайры барайым сата?
Зар адам ашынгы ашар, кесинги сатар.
Къолунгдан къуймакъ ашатсанг да, атаны борчундан къутулмазса.
Айырылгъанланы айю ашар, бёлюннгенлени бёрю ашар.
Тилде сюек болмаса да, сюек сындырыр.
Къошда джокъгъа – юлюш джокъ.
Тенги кёбню джау алмаз, акъылы кёбню дау алмаз.
Адеб этмеген, адеб кёрмез.
Элни кючю – эмеген.
Эли джокъну – кёлю джокъ.
Тойгъа барсанг, тоюб бар, эски тонунгу къоюб бар.
Рысхы джалгъанды: келген да этер, кетген да этер.
Адам боллукъ, атламындан белгили болур.
Борчунг бар эсе, хурджунунга ойлаб узал.
Бастасын ашагъан, хантусун да ичер.
Аллахдан тилесенг, кёб тиле.
Хар сёзню орну барды.
Билгенни къолу къарны джандырыр.
Билим насыб берир, билим джолну керир.
Таукелге нюр джауар.
Аджашхан тёгерек айланыр.
Билим къая тешер.
Билмегенинги, билгеннге сор.
Джырына кёре эжиую.
Акъыллы – эл иеси, тели – эл баласы.
Акъыллы эркиши атын махтар, акъылсыз эркиши къатынын махтар.
Билим ат болуб да чабар, къуш болуб да учар.
Уллу сёлешме да, уллу къаб.
Туз, гырджын аша, тюзлюк бла джаша.
Ана къолу ачытмаз.
Эл ауузу – элек, анга ийнаннган – халек.
Насыб бютеу халкъны юлюшюдю.
knopka s geometri4eskimi figurami