Иги – алгъыш этер, аман – къаргъыш этер.
Адамны артындан къара сабан сюрме.
Аджашхан тёгерек айланыр.
Иесиз малны бёрю ашар.
Садакъачыны джаны – къапчыгъында.
Элни кючю – эмеген.
Термилгенинги табмазса, кюлгенинге тюберсе.
Насыблы элин сюер, насыбсыз кесин сюер.
Кийиминг бла танылма, адамлыкъ бла таныл.
Ашлыкъ – бюртюкден, джюн – тюкден.
Джыйырма къойну юч джыйырма эбзе кюте эди.
Акъдан къара болмаз.
Суу кетер, таш къалыр.
Акъыллы эркиши атын махтар, акъылсыз эркиши къатынын махтар.
Чомарт къолда мал къалмаз.
Эки итни арасына сюек атма, эки адамны арасында сёз чыгъарма.
Тилчи бир сагъатха айлыкъ хата этер.
Ата – баланы уясы.
Ач келгенни – тойдур, кеч келгенни – къондур.
Къуллукъчума, деб махтанма, къуллукъ – хаух джамчыды!
Тик ёргени, тик энгишгеси да болады.
Кёкдеги болмаса, джердегин кёрмейди.
Билимсиз иш бармаз.
Нафысынгы айтханын этме, намысынгы айтханын эт.
Ёлюр джаннга, ёкюл джокъ.
Окъугъан – асыу, окъумагъан – джарсыу.
Арбаз сайлама да, хоншу сайла.
Баш болса, бёрк табылыр.
Аманнга игилик этсенг, юйюнге сау бармазса.
Зар адамны насыбы болмаз.
Кюн кёрмеген, кюн кёрсе, кюндюз чыракъ джандырыр.
Тойгъан антын унутур.
Джарлы тюеге минсе да, ит къабар.
Тешик этген тынчды, аны джамагъан къыйынды.
Адам бла мюлк юлешмеген эсенг, ол адамны билиб бошагъанма, деб кесинги алдама.
Тёрдеги кюлсе, эшикдеги ышарыр.
Билим насыб берир, билим джолну керир.
Джукъу тёшек сайламайды.
Тау башында, тау болмаз, джангыз терек, бау болмаз.
Эркишиге тары кебек танг кёрюнюр.
Ачыу алгъа келсе, акъыл артха къалады.
Намыс болмагъан джерде, насыб болмаз.
Адам туугъан джеринде, ит тойгъан джеринде.
Джылар джаш, атасыны сакъалы бла ойнар.
Тюз сёз баргъан сууну тыяр.
Къатын къылыкъсыз, эр тынчлыкъсыз.
Рысхысына кёре, джаш ёсер, къышлыгъына кёре, мал ёсер.
Аджашханны ызындагъы кёреди, джангылгъанны джанындагъы биледи.
Тойгъандан сора, ашны сёкме.
Мен да «сен», дейме, сен да «кесим», дейсе.
knopka s geometri4eskimi figurami