Башланнган иш битер, къымылдагъан тиш тюшер.
Кюл тюбюндеги от кёрюнмейди.
Къарт бла баш аша, джаш бла аякъ аша.
Къызны минг тилер, бир алыр.
Илму – джашауну джолу.
Къыз тиширыу кеси юйюнде да къонакъды.
Бастасын ашагъан, хантусун да ичер.
Чакъырылмай келген къонакъ сыйланмай кетер.
Арбаз къынгырды да, ийнек сауалмайма.
Эринчекни аурууу – кёб.
Дуния мал дунияда къалады.
Термилгенинги табмазса, кюлгенинге тюберсе.
Чомартны къолу берекет.
Азыкъ аз болса, эртде орун сал.
Джаханимни кёрмей, джандетге кёл салмазса.
Махтаннган къыз, тойда джукълар.
Таула не мийик болсала да, аууш табылыр.
Намысы джокъну – дуниясы джокъ.
Биреуню эскиси биреуге джангы болмайды.
Джеринден айырылгъан – джети джылар, джуртундан айырылгъан – ёлгюнчю джылар.
Эринчекни эр алмаз, эр алса да, кёл салмаз, кёл салса да, кёб бармаз!
Тёгюлген тюгел джыйылмайды.
Билмегенинги, билгеннге сор.
Кимни – тили, тиши онглу, кимни – къолу, иши онглу.
Сакъ юйюне сау барыр.
Чакъырылмагъан джерге барма, чакъырылгъан джерден къалма.
Ата – билек, ана – джюрек!
Дженгил джетерикме деб, узун джолну къоюб, къысхасын барма.
Кийим тукъум сордурур.
Джиби бир къат джетмей эди да, эки къат тарта эди.
Адам сёзюнден белгили.
Джерни букъусу кёкге къонмаз.
Къулакъдан эсе, кёзге ышан.
Ана къолу ачытмаз.
Арыгъан къош чамчы болур.
Къызгъанчдан ычхыныр, мухардан ычхынмаз.
Хунаны тюбюн къазсанг, юсюнге ауар.
Атынг аманнга чыкъгъандан эсе, джанынг тамагъынгдан чыкъсын.
Тешик этген тынчды, аны джамагъан къыйынды.
Тойгъан джерге джети къайт.
Адам боллукъ, атламындан белгили болур.
Къууут – джелге, берне – бошха.
Накъырданы арты керти болур.
Этим кетсе да, сюегим къалыр.
Ариу сёз джыланны орнундан чыгъарыр.
Ариу сёзде ауруу джокъ.
Мал ёлсе, сюек къалыр, адам ёлсе, иши къалыр.
Бек анасы джыламаз.
Ачыкъ джюрекге джол – ачыкъ.
Джюрекден джюрекге джол барды.
knopka s geometri4eskimi figurami