Къалгъан ишге къар джауар.
Къолунгдан къуймакъ ашатсанг да, атаны борчундан къутулмазса.
Акъыл къартда, джашда тюйюлдю – башдады.
Адамны сыфатына къарама, сёзюне къара.
Къарт болгъан джерде, берекет болур, сабий болгъан джерде, оюн болур.
Эл ауузу – элек, анга ийнаннган – халек.
Джюз элде джюз ёгюзюм болгъандан эсе, джюз джууугъум болсун.
Айныгъанлы алты кюн, тогъайгъанлы тогъуз кюн.
Ашхы тенг джолгъа салыр, аман тенг джолдан тайдырыр.
Иги – алгъыш этер, аман – къаргъыш этер.
Минг тенг да азды, бир джау да кёбдю.
Къонакъны къачан кетерин сорма, къачан келлигин сор.
Джылар джаш, атасыны сакъалы бла ойнар.
Байны къызы баймакъ болса да, юйде къалмаз!
Сибиртки да сыйлы болду, кюрек да кюнлю болду.
Нёгер болсанг, тенг бол, тенг болмасанг, кенг бол.
Окъуу – билимни ачхычы, окъуу – дунияны бачхычы.
Тёзген – тёш ашар!
Адеби болмагъан къыз – тузсуз хант.
Игилик игилик бла сингдирилиучю затды.
Джыланны къуйругъундан басарынг келсе, аны башы болгъанын унутма.
Садакъачыны джаны – къапчыгъында.
Джогъун бар этген, барын бал этген.
Джылкъыдан – ат чыгъар, тукъумдан – джаш чыгъар.
Биреуню тёрюнден, кесинги эшик артынг игиди.
Эрни эр этерик да, къара джер этерик да, тиширыуду.
Рысхы джалгъанды: келген да этер, кетген да этер.
Джыйырма къойну юч джыйырма эбзе кюте эди.
Аууздан келген, къолдан келсе, ким да патчах болур эди.
Экеулен сёлеше тура эселе, орталарына барыб кирме.
Кёрмегеннге кебек – танг, битмегеннге сакъал – танг.
Арба аугъандан сора, джол кёргюзтюучю кёб болур.
Аякъларынгы джууургъанынга кёре узат.
Нафысынгы айтханын этме, намысынгы айтханын эт.
Билим ат болуб да чабар, къуш болуб да учар.
Тилде сюек болмаса да, сюек сындырыр.
Джаш болсун, къыз болсун, акъылы, саны тюз болсун.
Тынгылагъан тынгы бузар.
Ариу сёз – джаннга азыкъ, аман сёз – башха къазыкъ.
Эр абынмай, эл танымаз.
Аман хансны – урлугъу кёб.
Нарт сёз къарт болмаз.
Башы джабылгъан челекге, кир тюшмез.
Окъдан джара эртде-кеч болса да бителир, сёз джара, ёмюрге къалыр.
Олтуруб кёрюнмей эди да, ёрге туруб кёрюне эди.
Таукел тауну аудурур.
Ариу сёз – къылычдан джити.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эки къатын алгъан – эки ташны ортасына башын салгъан.
Чарсда алчыны эл кёреди.
knopka s geometri4eskimi figurami