Ётюрюк хапар аякъ тюбю бла джюрюйдю.
Эшекни не къадар тюйсенг да, ат болмаз.
Ачыу алгъа келсе, акъыл артха къалады.
Ач – эснер, ат – кишнер.
Къанны къан бла джуума, аманны аман бла къуума.
Уллу къазанда бишген эт, чий къалмаз.
Чомарт къонакъ юй иесин сыйлар.
Эринчекни аурууу – кёб.
Ишни аллы бла къууанма да, арты бла къууан.
Къайгъы тюбю – тенгиз.
Ханы къызы буюгъа-буюгъа киштик болду.
Ашатыргъа иш – ашхы, ишлетирге аш – ашхы.
Алим болгъандан эсе, адам болгъан къыйынды.
Тойгъан джерден туугъан джер игиди.
Джарашыу сюйген – джалынчакъ.
Иги адамны бир сёзю эки болмаз.
Ата – билек, ана – джюрек!
Тёгюлген тюгел джыйылмайды.
Ачлыкъда тары гырджын халыуадан татлы.
Экеу тутушса, биреу джыгъылыр.
Шекер бла туз – бир болмаз, ушамагъан – юй болмаз.
Джылыгъа джылан илешир.
Аман эсирсе, юйюн ояр.
Дуния малгъа сатылма, кесингден телиге къатылма.
Рысхы – сют юсюнде кёмюк кибикди.
Айраннга суу къош, телиге джол бош.
Джаш болсун, къыз болсун, акъылы, саны тюз болсун.
Алгъанда – джууукъ, бергенде – джау.
Азыкълы ат арымаз, къатыны аман джарымаз.
Келгинчи, къонакъ уялыр, келгенден сора, къонакъбай уялыр.
Тюкюрюк баш джармаз, налат кёз чыгъармаз!
Адам къыйынлыгъын кёлтюрюр, зауукълугъун кёлтюрмез.
Адамны сыфатына къарама, сёзюне къара.
Ач къарынны, токъ билмез
Терек ауса, отунчу – кёб.
Насыб бютеу халкъны юлюшюдю.
Элде адам къалмаса, ит тахтагъа минер.
Ариу – кёзге, акъыл – джюрекге.
Аманны тукъумуна къарама, игини тукъумун сорма.
Бёрю да ач къалмасын, эчки да ашалмасын.
Билим къая тешер.
Тил джюрекге джол ишлейди.
Хунаны тюбюн къазсанг, юсюнге ауар.
Юй кюйдю да, кюйюз чыкъды, ортасындан тюйюш чыкъды.
Чыбыкълыкъда бюгюлмеген, къазыкълыкъда бюгюлмей эди.
Ашха уста, юйюнде болсун
Тюзлюк тас болмайды.
Къарнынг бла ёч алма.
Аурууну келиую тынч, кетиую – къыйын.
Иги бла джюрюсенг, джетерсе муратынга, аман бла джюрюсенг, къалырса уятха.
knopka s geometri4eskimi figurami