Чабакъгъа акъыл, табагъа тюшсе келеди.
Этни бети бла шорпасы.
Къолу уллу – асыу, аягъы уллу – джарсыу.
Тюзню ётмеги тюзде къалса да, тас болмаз.
Намыс сатылыб алынмайды.
Эрине къаргъыш этген къатын, эрнин къабар.
Таш ата билмеген, башына урур.
Джырына кёре эжиую.
Таш бла ургъанны, аш бла ур.
Акъыллы башны – тили къысха.
Хаухну атма, ёнгкючню сатма.
Гыдай эчки суугъа къараб, мюйюзле кёрмесе, джашма алкъын, дегенди.
Джумушакъ терекни къурт ашар.
Иги адамны бир сёзю эки болмаз.
Окъуу – билимни ачхычы, окъуу – дунияны бачхычы.
Ишлегенде эринме, ишде чолакъ кёрюнме.
Тёрени джагъы джокъ.
Шайтан алдады, тюзлюк къаргъады.
Ариу сёз – къылычдан джити.
Ауругъан – джашаудан умутчу.
Тамбла алтындан бюгюн багъыр ашхы.
Халкъны юйю – туугъан джери.
Башланнган иш битер, къымылдагъан тиш тюшер.
Билмезни кёзю кёрмез, этмезни къулагъы эшитмез.
Ашхы тенг джолгъа салыр, аман тенг джолдан тайдырыр.
Таякъ этден ётер, тил сюекден ётер.
Минг тенг да азды, бир джау да кёбдю.
Аманны тукъумуна къарама, игини тукъумун сорма.
Адамгъа аман кюн соруб келмейди.
Абынмазлыкъ аякъ джокъ, джангылмазлыкъ джаякъ джокъ.
Аман адамны тепсинге олтуртсанг, къызынгы тилер.
Нарт сёз – тилни бети.
Керек ташны ауурлугъу джокъ.
Чалманны аллы къалай башланса, арты да алай барады.
Къарт айтханны этмеген, къартаймаз.
Билмейме деген – бир сёз
Экеу тутушса, биреу джыгъылыр.
Алгъанда – джууукъ, бергенде – джау.
Арба аугъандан сора, джол кёргюзтюучю кёб болур.
Сабыр джетер муратха, сабырсыз къалыр уятха.
Мал кёб болса, джууукъ кёб болур.
Элни кючю – эмеген.
Байлыкъ келсе, акъыл кетер.
Борчунг бар эсе, хурджунунга ойлаб узал.
Ёгюзню мюйюзлери ауурлукъ этмейдиле.
Адеби болмагъан къыз – тузсуз хант.
Къыз чыгъаргъан – къызыл къымжа.
Эл тойса, тоймагъан, эл къойса, къоймагъан.
Тилчи бир сагъатха айлыкъ хата этер.
Джыйырма къойну юч джыйырма эбзе кюте эди.
knopka s geometri4eskimi figurami