Киштикге къанат битсе, чыпчыкъ къалмаз эди.
Тик ёргени, тик энгишгеси да болады.
Ауругъаннга – кийик саулукъ, джетген къызгъа – чилле джаулукъ.
Джетген къыз джерли эшекни танымаз.
Элге къуллукъ этмеген, элге ие болмаз.
Соргъан айыб тюлдю, билмеген айыбды.
Билгенни къолу къарны джандырыр.
Джашынгы кесинг юретмесенг, джашау юретир.
Ата Джуртча джер болмаз, туугъан элча эл болмаз.
Ачны эсинде – аш.
Берекет берсин деген джерде, берекет болур.
Тюзлюк тас болмайды.
Сабийликде юретмесенг, уллу болса – тюзелмез.
Биреуге кёлтюрген таягъынг, кесинги башынга урур.
Эллинг бла джау болсанг да, юйюнг бла джау болма.
Эл ауузу – элия.
Окъугъан – асыу, окъумагъан – джарсыу.
Таукелге нюр джауар.
Хоншуну тауугъу къаз кёрюнюр, келини къыз кёрюнюр.
Садакъачыны джаны – къапчыгъында.
Юй кюйдю да, кюйюз чыкъды, ортасындан тюйюш чыкъды.
Таш ата билмеген, башына урур.
Эртде тургъан бла эртде юйленнген сокъуранмаз.
Сютден ауузу кюйген, суугъа юфгюре эди.
Тил – миллетни джаны.
Джюрек кёзден алгъа кёрюр.
Таугъа чыгъаллыкъ эсенг, тюзде къалма.
Аманнга игилик этсенг, юйюнге сау бармазса.
Акъыллы айтыр эди, акъылсыз къоймайды.
Элни кючю – эмеген.
Къарыусузгъа кюлме, онгсузгъа тийме.
Джарлы тюеге минсе да, ит къабар.
Къыйынлы джети элни къайгъысын этер.
Огъурлуну сёзю – суу, огъурсузну сёзю – уу.
Хата – гитчеден.
Джолунга кёре – джюрюшюнг, джагъанга кёре – юлюшюнг.
Адеб джокъда, намыс джокъ.
Хар адамгъа кеси миннген тау кибик.
Къолу уллу – асыу, аягъы уллу – джарсыу.
Тойгъан джерден туугъан джер игиди.
Аман адам элни бир-бирине джау этер.
Джангыз терек къынгыр ёсер.
Ишин билген, аны сыйын чыгъарады.
Ауузу бла къуш тута айланады.
Джумушакъ терекни къурт ашар.
Агъач – джерни чырайы, кийим – эрни чырайы.
Сабийни джумушха джибер да, ызындан бар.
Аякъларынгы джууургъанынга кёре узат.
Бети бедерден, намыс сакълама.
Булут кёкге джарашыу, уят бетге джарашыу.
knopka s geometri4eskimi figurami