Адеби болмагъан къыз – тузсуз хант.
Кёзню ачылгъаны – иги, ауузну джабылгъаны – иги.
Кёбге таш атма.
Аш берме да, къаш бер.
Къобан да къуру да къобханлай турмайды, адам да къуру да патчахлай турмайды.
Сёз къанатсыз учар.
Ишин билген, аны сыйын чыгъарады.
Ёксюзню тилеги къабыл болур.
Ойнай-ойнай кёз чыгъар.
Алма терегинден кери кетмез.
Уруну арты – къуру.
Джигер – джаннга къыйынлыкъ.
Тюзню ётмеги тюзде къалса да, тас болмаз.
Таукел тауну аудурур.
Биреу къой излей, биреу той излей.
Тыш элде солтан болгъандан эсе, кесинги элде олтан болгъан игиди!
Рысхысына кёре, джаш ёсер, къышлыгъына кёре, мал ёсер.
Хар зат кесини орнуна иги.
Акъыллы эркиши атын махтар, акъылсыз эркиши къатынын махтар.
Аллахдан тилесенг, кёб тиле.
Чакъырылмагъан къонакъ тёрге атламаз.
Адамны бетине къарама, адетине къара.
Элге къуллукъ этмеген, элге ие болмаз.
Иги болса, тамадама – махтау, аман болса, меннге – айыб.
Гугурук къычырмаса да, тангны атары къалмаз.
Тил – кесген бычакъ, сёз – атылгъан окъ.
Аллахха ийнаннган кишини, Аллах онгдурур ишин.
Рысхы джалгъанды: келген да этер, кетген да этер.
Азыгъы аз, алгъа къабар, аты аман, алгъа чабар.
Аш хазыр болса, иш харам болур.
Чоюнну башы ачыкъ болса, итге уят керекди.
Ата джурт – алтын бешик.
Джашны джигитлиги сорулур, къызны джигерлиги сорулур.
Ашха уста, юйюнде болсун
Татлы сёз – балдан татлы.
Кёбден умут этиб, аздан къуру къалма.
Акъыллы – эл иеси, тели – эл баласы.
Тюз сёз баргъан сууну тыяр.
Уллу атлама – абынырса, уллу къабма – къарылырса.
Аш иеси бла татлыды.
Абынмазлыкъ аякъ джокъ, джангылмазлыкъ джаякъ джокъ.
Аман адам этегингден тутса, кес да къач.
Къарт болгъан джерде, берекет болур, сабий болгъан джерде, оюн болур.
Орундукъ тюбюнде атылсам да, орта джиликме, де да айлан.
Тойну къарнашы – харс, джырны къарнашы – эжиу.
Эрине къаргъыш этген къатын, эрнин къабар.
Окъ къызбайны джокълайды.
Юй ишлеген балта эшикде къалыр.
Намысы джокъну – дуниясы джокъ.
От этилмеген джерден тютюн чыкъмайды.
knopka s geometri4eskimi figurami