Кёб къычыргъандан – къоркъма, тынч олтургъандан – къоркъ.
Кечеси – аяз, кюню – къыш, джарлы къаргъагъа бир аш тюш!
Ишни ахырын ойламай, аллын башлама.
Ач къарным, тынч къулагъым.
Насыблы элин сюер, насыбсыз кесин сюер.
Тёрени джагъы джокъ.
Кюлме джашха – келир башха.
Харам къарнашдан, халал тенг ашхы.
Накъырда – кертини келечиси.
Кёбден умут этиб, аздан къуру къалма.
Ат да турмайды бир териде.
Бетинги сатма, малынгы сат.
Къарын къуру болса, джюрек уру болур.
Бек ашыкъгъан меннге джетсин, дегенди аракъы.
Кийим тукъум сордурур.
«Ёгюз, джаргъа джууукъ барма, меннге джюк боллукъса», - дегенди эшек.
Келинни – келгинчи, бёркню кийгинчи кёр.
Къалгъан ишге къар джауар.
Адам сёзюнден белгили.
Къоркъакъны кёзю экили кёрюр.
Азыкълы ат арымаз, къатыны аман джарымаз.
Байлыкъ тауусулур, билим тауусулмаз.
Ишни аллы бла къууанма да, арты бла къууан.
Къууут – джелге, берне – бошха.
Билимсиз иш бармаз.
Адамны аты башхача, акъылы да башхады.
Огъурлуну сёзю – суу, огъурсузну сёзю – уу.
Биреу ашаб къутулур, биреу джалаб тутулур.
Джетген къыз джерли эшекни танымаз.
Экеу тутушса, биреу джыгъылыр.
Бал чибинни ургъаны – ачы, балы – татлы.
Кийимни бичсенг, кенг бич, тар этген къыйын тюлдю.
Эркишини аманы тиширыуну джылатыр.
Ишлерге уял да, ашаргъа табма.
Окъуусуз билим – джокъ, билимсиз кюнюнг – джокъ.
Тойгъа алгъа да барма, тойда артха да къалма.
Эки къатын алгъанны къулагъы тынгнгаймаз.
Эл ауузу – элия.
Атадан ёксюз – бир ёксюз, анадан ёксюз – эки ёксюз.
Ач уят къоймаз.
Уллу къазанда бишген эт, чий къалмаз.
Джумушакъ сёз къаты таякъны сындырыр.
Хар адамгъа кеси миннген тау кибик.
Терек ауса, отунчу – кёб.
Аманнга да, игиге да оноусуз къатышма.
Къазанда болса, чолпугъа чыгъар.
Иги джашны ышаны – аз сёлешиб, кёб тынгылар.
Чакъырылмагъан джерге барма, чакъырылгъан джерден къалма.
Къатын байлыкъны сюер, эр саулукъну сюер.
Джаханимни кёрмей, джандетге кёл салмазса.
knopka s geometri4eskimi figurami