Джарлыны тону джаз битер.
Къартны бурнун сюрт да, оноугъа тут.
Ашда уялгъан – мухар, ишде уялгъан – хомух.
Кёб къычыргъандан – къоркъма, тынч олтургъандан – къоркъ.
Чомарт джарлы болмаз.
Башы ишлегенни, ауузу да ишлер.
Окъумагъан сокъурду, сокъур ташха абыныр!
Бир абыннган – минг сюрюнюр.
Босагъа таш юйге кирмей эди, тыбыр таш эшикге чыкъмай эди.
Чабакъгъа акъыл, табагъа тюшсе келеди.
Алгъанда – джууукъ, бергенде – джау.
Эри аманны, къатыны – аман.
Ишлерге уял да, ашаргъа табма.
Эки итни арасына сюек атма, эки адамны арасында сёз чыгъарма.
Ашыкъгъан cуу, тенгизге джетмез.
Ашхы адам – халкъ байлыгъы, ашхы джер – джашау байлыгъы.
Кёрмегеннге кебек – танг, битмегеннге сакъал – танг.
Борчунг бар эсе, хурджунунга ойлаб узал.
Адамны сабийин сюйген джюреги, бычакъча, джитиди.
Накъырданы арты керти болур.
Болджал ишни бёрю ашар.
Эки ойлашыб, бир сёлешген.
Тили узунну, намысы – къысха.
Джукъу тёшек сайламайды.
Кютгени беш эчки, сызгъыргъаны уа, джерни джарады.
Къайтырыкъ эшигинги, къаты уруб чыкъма.
Къолунгдан къуймакъ ашатсанг да, атаны борчундан къутулмазса.
Тилчиден кери бол.
Тешик этген тынчды, аны джамагъан къыйынды.
Ашхы тенг джолгъа салыр, аман тенг джолдан тайдырыр.
Баш болса, бёрк табылыр.
Бойнуму джети джерден кессенг да, мен ол ишни этеллик тюлме.
Окъдан джара эртде-кеч болса да бителир, сёз джара, ёмюрге къалыр.
Ач бёрюге мекям джокъ.
Ата Джуртуму башы болмасам да, босагъасында ташы болайым.
Ышармагъан – кюлмез, кюлмеген – къууанчны билмез.
Джуртун къоругъан озар.
Кюлме джашха – келир башха.
Джаралыны джастыгъында сау ёлюр.
Къонакъ болсанг, ийнакъ бол.
Билген билмегенни юретген адетди.
Акъыл сабырлыкъ берир.
Аман киши кеси юйюнде – къонакъ.
Къыз тиширыу кеси юйюнде да къонакъды.
Кийим тукъум сордурур.
Джылкъыдан – ат чыгъар, тукъумдан – джаш чыгъар.
Аз сёлешген, къайгъысыз турур.
Рысхы – сют юсюнде кёмюк кибикди.
Джигер – джаннга къыйынлыкъ.
Чарсда алчыны эл кёреди.
knopka s geometri4eskimi figurami