Тойгъан джерден туугъан джер игиди.
Халкъгъа джарагъан, джарлы къалмаз.
Ауурну тюбю бла, дженгилни башы бла джюрюген.
Эринчекни аурууу – кёб.
Къралынгы – душмандан, башынгы от бла суудан сакъла.
Джаным-тиним – окъуу, билим.
Биреуню къыйынлыгъы бла кесинге джол ишлеме.
Аджалсыз ёлюм болмаз.
Халкъны джырын джырласанг, халкъ санга эжиу этер.
Бермеген къол, алмайды.
Нёгерсизни джолу узун.
Садакъачыны джаны – къапчыгъында.
Тёзген – тёш ашар!
Адеб этмеген, адеб кёрмез.
Орундукъ тюбюнде атылсам да, орта джиликме, де да айлан.
Хоншуну тауугъу къаз кёрюнюр, келини къыз кёрюнюр.
Арбаз сайлама да, хоншу сайла.
Тойгъанлыкъ къойгъа джарашады.
Таукел тауну аудурур.
Ашын ашагъанынгы, башын да сыйла.
Уллу атлама – абынырса, уллу къабма – къарылырса.
Кёзю сокъурдан – къоркъма, кёлю сокъурдан – къоркъ.
Эли джокъну – кёлю джокъ.
Нафысынгы айтханын этме, намысынгы айтханын эт.
Атлыны ашхысы, ат тизгининден билинир
Халкъны юйю – туугъан джери.
Накъырданы арты керти болур.
Зар адам ашынгы ашар, кесинги сатар.
Ауузу бла къуш тута айланады.
Кесине оноу эте билмеген, халкъына да эте билмез.
Сютню башын джалагъан къутулур, тюбюн ичген тутулур.
Алим болгъандан эсе, адам болгъан къыйынды.
Айтылгъан сёз ызына къайтмаз.
Къарнынг тойгъунчу аша да, белинг талгъынчы ишле.
Тюзлюк шохлукъну бегитир.
Къызбайны юйюне дери сюрсенг, батыр болур.
Экиндини кеч къылсанг, чабыб джетер ашхам.
Къумурсхала джыйылсала, пилни да джыгъадыла.
Къуллукъчума, деб махтанма, къуллукъ – хаух джамчыды!
Ариу сёз – къылычдан джити.
Ачлыкъда тары гырджын халыуадан татлы.
Кёз – сюйген джерде, къол – ауругъан джерде.
Аш иеси бла татлыды.
Байны къызы баймакъ болса да, юйде къалмаз!
Чомартха хар кюн да байрамды.
Джашлыкъ этмеген, башлыкъ этмез.
Къолу уллу – асыу, аягъы уллу – джарсыу.
Тамырсыз терекге таянма – джыгъылырса.
Мадар болса, къадар болур.
Эринчекге кюн узун.
knopka s geometri4eskimi figurami