Огъурлуну сёзю – суу, огъурсузну сёзю – уу.
Окъугъан – асыу, окъумагъан – джарсыу.
Эски джаугъа ышанма.
Эки итни арасына сюек атма, эки адамны арасында сёз чыгъарма.
Тюзню ётмеги тюзде къалса да, тас болмаз.
Ишлегенден, къарагъан уста.
Чомартны къолун джокълукъ байлар.
Ата джурт – алтын бешик.
Къралынгы – душмандан, башынгы от бла суудан сакъла.
Мураты болгъанны джюрек тебюую башхады.
Кесинге джетмегенни, кёб сёлешме.
Мухардан ач ычхынмаз.
Чакъырылмай келген къонакъ сыйланмай кетер.
Джылыгъа джылан илешир.
Ётюрюкню башын керти кесер.
Иги сёз – джаннга азыкъ, аман сёз башха – къазыкъ.
Бойнуму джети джерден кессенг да, мен ол ишни этеллик тюлме.
Джюрек кёзден алгъа кёрюр.
Джаз бир кюнню джатсанг, къыш талай кюнню абынырса.
Къартха ушагъан джаш – акъыллы, джашха ушагъан къарт – тели.
Ишни ахырын ойламай, аллын башлама.
Ана къойну – балагъа джандет.
Сёлеш деб шай берген, тохта деб, сом берген.
Ачылгъан эт джабылыр, кёрген кёз унутмаз.
Къууут – джелге, берне – бошха.
Байлыкъдан саулукъ ашхыды.
Билим къая тешер.
Суугъа – таянма, джаугъа – ийнанма.
Джангыз терек къынгыр ёсер.
Эри аманны, къатыны – аман.
Чакъырылгъанны аты, чакъырылмагъанны багъасы болур.
Башсыз урчукъ тюзюне айланмаз.
Термилгенинги табмазса, кюлгенинге тюберсе.
Джетген къыз джерли эшекни танымаз.
Терслик кетер, тюзлюк джетер.
Адам боллукъ, атламындан белгили болур.
Къартны бурнун сюрт да, оноугъа тут.
Аман къатын алгъан, арыр, иги къатын алгъан джарыр.
Тёрени джагъы джокъ.
Шайтан алдады, тюзлюк къаргъады.
Тиширыусуз юй – отсуз от джагъа.
Таякъ этден ётер, тил сюекден ётер.
От этилмеген джерден тютюн чыкъмайды.
Къатын байлыкъны сюер, эр саулукъну сюер.
Бёрю да ач къалмасын, эчки да ашалмасын.
Кёзню ачылгъаны – иги, ауузну джабылгъаны – иги.
Биреуню эскиси биреуге джангы болмайды.
Суугъа – чабакъ, къаягъа – ыргъакъ.
Башда акъыл болмаса, эки аякъгъа кюч джетер.
Магъанасыз сёз – тауушсуз сыбызгъы.
knopka s geometri4eskimi figurami