Этим кетсе да, сюегим къалыр.
Аман хансны – урлугъу кёб.
Кёл – къызбай, къол – батыр.
Джюз элде джюз ёгюзюм болгъандан эсе, джюз джууугъум болсун.
Намыс сатылыб алынмайды.
Кютгени беш эчки, сызгъыргъаны уа, джерни джарады.
Келлик заман – къартлыкъ келтирир, кетген заман – джашлыкъ ёлтюрюр.
Айырылгъанланы айю ашар, бёлюннгенлени бёрю ашар.
Къая джолда джортма, ачыкъ сёзден къоркъма.
Ачны эсинде – аш.
Намысы джокъну – дуниясы джокъ.
Соргъан айыб тюлдю, билмеген айыбды.
Айтылгъан сёз ызына къайтмаз.
Бал чибинни ургъаны – ачы, балы – татлы.
Айранны сюйген, ийнек тутар.
Арыгъан къош чамчы болур.
Аякъларынгы джууургъанынга кёре узат.
Ётюрюк хапар аякъ тюбю бла джюрюйдю.
Аман адамны тепсинге олтуртсанг, къызынгы тилер.
Ашхы атаны – джашы ашхы, ашхы ананы – къызы ашхы.
Аман эсирсе, юйюн ояр.
Сёз садакъдан кючлюдю.
Кесинг сынамагъан затны, адамгъа буюрма.
Кечеси – аяз, кюню – къыш, джарлы къаргъагъа бир аш тюш!
Аз сёлешген, къайгъысыз турур.
Ёлюк кебинсиз къалмаз.
Адам сёзге тынгыла, акъыл сёзню ангыла.
Аманны къуугъан, аманлыкъ табар.
Къызбайны юйюне дери сюрсенг, батыр болур.
Ат басханны джер билед.
Тура эдим джата, къайдан чыкъды хата?
Бети – къучакълар, джюреги – бычакълар.
Игини сыйлагъан адетди.
Илму – джашауну джолу.
Ётюрюкню къуйругъу – бир тутум.
Тынгылагъан тынгы бузар.
Билген билмегенни юретген адетди.
Сагъыш – къартлыкъгъа сюйюмчю.
Арбаз сайлама да, хоншу сайла.
Нафысынгы айтханын этме, намысынгы айтханын эт.
Тилчи бир сагъатха айлыкъ хата этер.
Акъдан къара болмаз.
Ётюрюкден тюбю джокъ, кёлтюрюрге джиби джокъ.
Зарда марда джокъ.
Къолунгдан къуймакъ ашатсанг да, атаны борчундан къутулмазса.
Бир онгсуз адам адет чыгъарды, деб эштирик тюлсе.
Къонакъ аман болса, къонакъбай джунчур
Ашхы болсанг, атынг чыгъар, аман болсанг, джанынг чыгъар.
Хазыр ашха – терен къашыкъ.
Тенги кёбню джау алмаз, акъылы кёбню дау алмаз.
knopka s geometri4eskimi figurami