Намысы болмагъанны, сыйы болмаз.
Алгъанда – джууукъ, бергенде – джау.
Къазанны башы ачыкъ болса, итге уят керекди.
Адеб джокъда, намыс джокъ.
Ач къарным, тынч къулагъым.
Джолда аягъынга сакъ бол, ушакъда тилинге сакъ бол.
Туз, гырджын аша, тюзлюк бла джаша.
Этни бети бла шорпасы.
Артына баргъанны, къатына барма.
Зар адамны насыбы болмаз.
Уруну арты – къуру.
Джаз бир кюнню джатсанг, къыш талай кюнню абынырса.
Аууздан келген, къолдан келсе, ким да патчах болур эди.
Кёб джашагъан – кёб билир.
Телиге акъыл салгъандан эсе, ёлгеннге джан салырса.
Борчунг бар эсе, хурджунунга ойлаб узал.
Эм ашхы къайын ана мамукъ бла башынгы тешер.
Тилчиден кери бол.
Дуния аламаты сен эсенг да, игиме деб айтма.
Аз айтсам, кёб ангылагъыз.
Акъдан къара болмаз.
Адамны адамлыгъы къыйынлыкъда айгъакъланады.
Эте билген, этген этеди, эте билмеген, юретген этеди!
Адамны джюреги нени кёрюрге сюйсе, кёзю да аны кёрюрге ёч болады.
Нафысынгы айтханын этме, намысынгы айтханын эт.
Тил бла келеди джыр да.
Джыйырма къойну юч джыйырма эбзе кюте эди.
Аджаллыгъа окъсуз шкок атылыр.
Къалгъан ишге къар джауар.
Адеб базарда сатылмаз.
Билгенни къолу къарны джандырыр.
Ёксюзню тилеги къабыл болур.
Таукел тауну аудурур.
Бюгюн дуния кибик, тамбла ахыратды.
Эр сокъур болсун, къатын тилсиз болсун.
Таякъ этден ётер, тил сюекден ётер.
Рысхы джалгъанды: келген да этер, кетген да этер.
Экеулен сёлеше тура эселе, орталарына барыб кирме.
Джарлыны тону джаз битер.
Азыгъы аз, алгъа къабар, аты аман, алгъа чабар.
Ач уят къоймаз.
Ёнгкюч къууана барыр, джылай келир.
Тенгни тенглиги джашай барсанг билинир.
Тура эдим джата, къайдан чыкъды хата?
Кийим тукъум сордурур.
Иги адамны бир сёзю эки болмаз.
Нарт сёз – тилни бети.
Байлыкъдан саулукъ ашхыды.
Тюз сёз баргъан сууну тыяр.
Адамны сыфатына къарама, сёзюне къара.
knopka s geometri4eskimi figurami