Чомарт къолда мал къалмаз.
Ач отунчуну ачыуу – бурнунда.
Сакъламагъан затынга джолукъсанг, не бек къууанаса, не бек ачыйса.
Билим насыб берир, билим джолну керир.
Чомартны къолун джокълукъ байлар.
Таула не мийик болсала да, аууш табылыр.
Биреуге кёлтюрген таягъынг, кесинги башынга урур.
Башы джабылгъан челекге, кир тюшмез.
Иги болса, тамадама – махтау, аман болса, меннге – айыб.
Аман адам этегингден тутса, кес да къач.
Сабийликде юретмесенг, уллу болса – тюзелмез.
Аманны тукъумуна къарама, игини тукъумун сорма.
Аз айтсам, кёб ангылагъыз.
Кесине гебен этелмеген, биреуге черен эте эди.
Алтыда кюлмеген, алтмышда кюлмез.
Окъ къызбайны джокълайды.
Адамны сыфатына къарама, сёзюне къара.
Къарт айтханны этмеген, къартаймаз.
Уясында не кёрсе, учханында аны этер.
Къарыусузгъа кюлме, онгсузгъа тийме.
Хунаны тюбюн къазсанг, юсюнге ауар.
Этни да ашады, бетни да ашады.
Къайгъы тюбю – тенгиз.
Биреуню эскиси биреуге джангы болмайды.
Игилик игилик бла сингдирилиучю затды.
Уллу къашыкъ эрин джыртар.
Чакъырылмагъан къонакъ тёрге атламаз.
Намыс сатылыб алынмайды.
Урама да – ёледи, сатама да – келеди.
Ач къарным, тынч къулагъым.
Къазанда болса, чолпугъа чыгъар.
Сёз садакъдан кючлюдю.
Ойнай билмеген, уруб къачар.
Башынга джетмегенни сорма.
Тай асырагъан, атха минер.
Къайгъыны сюйген, къайгъы табар.
Алтыннга тот къонмаз.
Джюрек кёзден алгъа кёрюр.
Джюз элде джюз ёгюзюм болгъандан эсе, джюз джууугъум болсун.
Ашхы сёз таш тешер.
Джукъу тёшек сайламайды.
Хоншуну тауугъу къаз кёрюнюр, келини къыз кёрюнюр.
Элиб деген, элге болушур.
Ашхы болсанг, атынг чыгъар, аман болсанг, джанынг чыгъар.
Къыз чыгъаргъан – къызыл къымжа.
Биреуге аманлыкъны тилеме да, кесинге ашхылыкъны тиле.
Бал ашаргъа сюе эсенг, чибин ургъаннга тёз.
Къумурсхала джыйылсала, пилни да джыгъадыла.
Акъыл къартда, джашда тюйюлдю – башдады.
Чомартха Тейри да борчлуду.
knopka s geometri4eskimi figurami