Къазанчы аман болса, къазаны къайнамаз.
Асхат ашлыкъ сата, юйдегиси ачдан къата.
Киштикге къанат битсе, чыпчыкъ къалмаз эди.
Аманны эки битли тону болур, бирин сеннге кийдирир, бирин кеси киер.
Юй кюйдю да, кюйюз чыкъды, ортасындан тюйюш чыкъды.
Джашны джигитлиги сорулур, къызны джигерлиги сорулур.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Аууз сакълагъан – джан сакълар.
Тил – кесген бычакъ, сёз – атылгъан окъ.
Байдан умут эте, джарлыдан ёгюз багъасы къорады.
Джетген къыз джерли эшекни танымаз.
Адам боллукъ, атламындан белгили болур.
Бал чибинни ургъаны – ачы, балы – татлы.
Халкъгъа джарагъан, джарлы къалмаз.
Билим къая тешер.
Кёб джат да, бек чаб.
Юй ишлеген балта эшикде къалыр.
Иги адамны бир сёзю эки болмаз.
Бир онгсуз адам адет чыгъарды, деб эштирик тюлсе.
Суу кетер, таш къалыр.
Гыдай эчки суугъа къараб, мюйюзле кёрмесе, джашма алкъын, дегенди.
Баш – акъыл ючюн, акъылман – халкъ ючюн.
Ашаса, ашамаса да, бёрюню ауузу – къан.
Къыз чыгъаргъан – къызыл къымжа.
Чомартны къолу берекет.
Ач отунчуну ачыуу – бурнунда.
Джолда аягъынга сакъ бол, ушакъда тилинге сакъ бол.
Ашхы болсанг, атынг чыгъар, аман болсанг, джанынг чыгъар.
Къолунгдан къуймакъ ашатсанг да, атаны борчундан къутулмазса.
Джыгъылгъанны сырты джерден тоймаз.
Рысхы – сют юсюнде кёмюк кибикди.
Аджаллыгъа окъсуз шкок атылыр.
Тил – миллетни джаны.
Кёб къычыргъандан – къоркъма, тынч олтургъандан – къоркъ.
Адебни адебсизден юрен.
Ёлмесенг да, къарт дамы болмазса?
Телиге от эт десенг, юйюнге от салыр.
Сагъышы джокъ – джукъучу, акъылы джокъ – къаугъачы.
Аманнга игилик этсенг, юйюнге сау бармазса.
Шапа кёб болса, аш татымсыз болур.
Адамны аты башхача, акъылы да башхады.
Кийимни бичсенг, кенг бич, тар этген къыйын тюлдю.
Ёнгкюч къууана барыр, джылай келир.
Джюз элде джюз ёгюзюм болгъандан эсе, джюз джууугъум болсун.
Джырына кёре эжиую.
Акъыл бла адеб эгизледиле.
Акъдан къара болмаз.
Кёкдеги болмаса, джердегин кёрмейди.
Термилгенинги табмазса, кюлгенинге тюберсе.
Ашына кёре табагъы, балына кёре къалагъы.
knopka s geometri4eskimi figurami