Ашарыкъда сайлагъаннга – чий гырджын.
Баланы адам этген анады.
Нёгерсизни джолу узун.
Къатын къылыкъсыз, эр тынчлыкъсыз.
Джиби бир къат джетмей эди да, эки къат тарта эди.
Кюн – узун, ёмюр – къысха.
Джауумдан сора, кюн кюйдюрюр, ётюрюкден сора, айыб кюйдюрюр.
Магъанасыз сёз – тауушсуз сыбызгъы.
Аз сёлешген, къайгъысыз турур.
Биреу ашаб къутулур, биреу джалаб тутулур.
Агъач – джерни чырайы, кийим – эрни чырайы.
Байлыкъ тауусулур, билим тауусулмаз.
Сакъламагъан затынга джолукъсанг, не бек къууанаса, не бек ачыйса.
Алим болгъандан эсе, адам болгъан къыйынды.
Мадар болса, къадар болур.
Ауузу аманнга «иги», деме.
Шекер бла туз – бир болмаз, ушамагъан – юй болмаз.
Башы ишлегенни, ауузу да ишлер.
Бетинги сатма, малынгы сат.
Къаллай салам берсенг, аллай джууаб алырса.
Атынг аманнга чыкъгъандан эсе, джанынг тамагъынгдан чыкъсын.
Бойнуму джети джерден кессенг да, мен ол ишни этеллик тюлме.
Бермеген къол, алмайды.
Сёлеш деб шай берген, тохта деб, сом берген.
Мени джылытмагъан кюн, меннге тиймесин!
Джумушакъ сёз къаты таякъны сындырыр.
Тили узунну, намысы – къысха.
Иги джашны ышаны – аз сёлешиб, кёб тынгылар.
Эллинг бла джау болсанг да, юйюнг бла джау болма.
От кюйдюрген, сау болса да, тот кюйдюрген, сау болмаз.
Ат да турмайды бир териде.
Байдан умут эте, джарлыдан ёгюз багъасы къорады.
Эли джокъну – кёлю джокъ.
Иги адамны бир сёзю эки болмаз.
Къонакъ хазыр болгъанлыкъгъа, къонакъбай хазыр тюлдю.
Мал тутхан – май джалар.
Ёгюзню мюйюзлери ауурлукъ этмейдиле.
Арыгъан къош чамчы болур.
Эки ойлашыб, бир сёлешген.
Суугъа – таянма, джаугъа – ийнанма.
Ашхы адам – халкъ байлыгъы, ашхы джер – джашау байлыгъы.
Ётюрюк хапар аякъ тюбю бла джюрюйдю.
Къызны минг тилер, бир алыр.
Къатын байлыкъны сюер, эр саулукъну сюер.
Мен да «сен», дейме, сен да «кесим», дейсе.
Юй ишлеген балта эшикде къалыр.
Мухар, кеси тойса да, кёзю тоймаз.
Адамны аты башхача, акъылы да башхады.
Болджал ишни бёрю ашар.
Кёз – сюйген джерде, къол – ауругъан джерде.
knopka s geometri4eskimi figurami