Ишлегенде эринме, ишде чолакъ кёрюнме.
Аякъларынгы джууургъанынга кёре узат.
Джашлыкъ этмеген, башлыкъ этмез.
Бал – татлы, балдан да бала – татлы.
Башы ишлегенни, ауузу да ишлер.
Тёгюлген тюгел джыйылмайды.
Кимни – тили, тиши онглу, кимни – къолу, иши онглу.
Ашхы – джыяр, аман – джояр.
Тёрени джагъы джокъ.
Уллу суу бла уллу ауруудан башынгы сакъла.
Къонакъ кёб келюучю юйню, къазаны отдан тюшмез.
Билмезни кёзю кёрмез, этмезни къулагъы эшитмез.
Ачлыкъда тары гырджын халыуадан татлы.
Къарнынг ауруса, ауузунгу тый
Эки элинги тыйсанг, джети элде махталырса.
Къаллай салам берсенг, аллай джууаб алырса.
Акъыл аздырмаз, билим тоздурмаз.
Къарт болгъан джерде, берекет болур, сабий болгъан джерде, оюн болур.
Биреуге аманлыкъны тилеме да, кесинге ашхылыкъны тиле.
Акъыллы айтыр эди, акъылсыз къоймайды.
Ётюрюкню къуйругъу – бир тутум.
Чабакъгъа акъыл, табагъа тюшсе келеди.
Бермеген къол, алмайды.
Джырына кёре эжиую.
Хоншуну тауугъу къаз кёрюнюр, келини къыз кёрюнюр.
Къартны бурнун сюрт да, оноугъа тут.
Чакъырылмай келген къонакъ сыйланмай кетер.
Юйюнгден чыкъдынг – кюнюнгден чыкъдынг.
Тойгъан джерден туугъан джер игиди.
Аман къатын алгъан, арыр, иги къатын алгъан джарыр.
Айранны сюйген, ийнек тутар.
Чоюнну башы ачыкъ болса, итге уят керекди.
Иги сёз – джаннга азыкъ, аман сёз башха – къазыкъ.
Джырчы джырчыгъа – къарнаш.
Нарт сёз – тилни бети.
Сютню башын джалагъан къутулур, тюбюн ичген тутулур.
Ауругъан – джашаудан умутчу.
Адам къыйынлыгъын кёлтюрюр, зауукълугъун кёлтюрмез.
Джукъу тёшек сайламайды.
Тил – кесген бычакъ, сёз – атылгъан окъ.
Ашатыргъа иш – ашхы, ишлетирге аш – ашхы.
Ауузу бла къуш тута айланады.
Джыйырма къойну юч джыйырма эбзе кюте эди.
Къумурсхала джыйылсала, пилни да джыгъадыла.
Онгсузну – джакъла, тенгликни – сакъла.
Арбаз къынгырды да, ийнек сауалмайма.
Ёлмесенг да, къарт дамы болмазса?
Окъумагъан сокъурду, сокъур ташха абыныр!
Джангыз терек къынгыр ёсер.
Ойнай-ойнай кёз чыгъар.
knopka s geometri4eskimi figurami