Биреуню эскиси биреуге джангы болмайды.
Чёбню кёлтюрсенг, тюбюнден сёз чыгъар.
Ариу – кёзге, акъыл – джюрекге.
Суу да къайтады чыкъгъан джерине.
Джюрекге ариу – кёзге да ариу.
Акъыл къартда, джашда тюйюлдю – башдады.
Мухарны эси – ашарыкъда.
Тенгни тенглиги джашай барсанг билинир.
Ачлыкъда тары гырджын халыуадан татлы.
Тойгъан джерден туугъан джер игиди.
Адам бла мюлк юлешмеген эсенг, ол адамны билиб бошагъанма, деб кесинги алдама.
Экеу тутушса, биреу джыгъылыр.
Телиге от эт десенг, юйюнге от салыр.
Джангыз торгъай джырламаз.
Ауругъанны сау билмез, ач къарынны токъ билмез.
Тюзню ётмеги тюзде къалса да, тас болмаз.
Бал – татлы, балдан да бала – татлы.
Ауругъаннга – кийик саулукъ, джетген къызгъа – чилле джаулукъ.
Джогъун бар этген, барын бал этген.
Ачыкъ джюрекге джол – ачыкъ.
Чарсда алчыны эл кёреди.
Асхат ашлыкъ сата, юйдегиси ачдан къата.
Аурууну келиую тынч, кетиую – къыйын.
Тюз сёз баргъан сууну тыяр.
Бетинги сатма, малынгы сат.
Бир онгсуз адам адет чыгъарды, деб эштирик тюлсе.
Башланнган иш битер, къымылдагъан тиш тюшер.
Орну джокъну – сыйы джокъ.
Чакъырылмагъан къонакъ къачан кетерин сормаз.
Тай асырагъан, атха минер.
Айран ичген – къутулду, джугъусун джалагъан – тутулду.
Чакъырылмагъан къонакъ – орунсуз.
Накъырда – кертини келечиси.
Таш ата билмеген, башына урур.
Бек анасы джыламаз.
Джаным-тиним – окъуу, билим.
Кесине гебен этелмеген, биреуге черен эте эди.
Къыйынлы джети элни къайгъысын этер.
Эл элде бирер малынг болгъандан эсе, бирер тенгинг болсун.
Тура эдим джата, къайдан чыкъды хата?
Айтхан – тынч, этген – къыйын.
Ана къойну – балагъа джандет.
Тойгъан джерге джети къайт.
Чакъырылмагъан джерге барма, чакъырылгъан джерден къалма.
Эте билген, этген этеди, эте билмеген, юретген этеди!
Чакъырылмагъан къонакъ тёрге атламаз.
Уллу къазанда бишген эт, чий къалмаз.
Гугук кесини атын айтыб къычыргъанча, мен, мен деб нек тураса?
Огъурлуну сёзю – суу, огъурсузну сёзю – уу.
Ёлюк кебинсиз къалмаз.
knopka s geometri4eskimi figurami