Кёпюр салгъан кеси ётер, уру къазгъан кеси кетер.
Аллахдан тилесенг, кёб тиле.
Тенги кёбню джау алмаз, акъылы кёбню дау алмаз.
Иги – алгъыш этер, аман – къаргъыш этер.
Чомартха хар кюн да байрамды.
Таукел къуру къалмаз.
Къарнынг къанлынга кийирир.
Адамны адамлыгъы къыйынлыкъда айгъакъланады.
Зарда марда джокъ.
Ауурну тюбю бла, дженгилни башы бла джюрюген.
Ана къойну – балагъа джандет.
Хатерли къул болур.
Адамны джюреги нени кёрюрге сюйсе, кёзю да аны кёрюрге ёч болады.
Мухардан ач ычхынмаз.
Акъыл неден да кючлюдю.
Иши джокъну, сыйы джокъ.
Аш хазыр болса, иш харам болур.
Къартха ушагъан джаш – акъыллы, джашха ушагъан къарт – тели.
Чабакъгъа акъыл, табагъа тюшсе келеди.
Чомартха Тейри да борчлуду.
Кирсизни – саны таза, халалны – къаны таза.
Ётюрюкню къуйругъу – бир тутум.
Кёлю джокъну – джолу джокъ.
Чарсда алчыны эл кёреди.
Байлыкъ тауусулур, билим тауусулмаз.
Юйлю уругъа ит чабмаз.
Арпа, будай – ащды, алтын, кюмюш а – ташды.
Билимли ёлмез, билимсиз кёрмез.
Джыланны къуйругъундан басарынг келсе, аны башы болгъанын унутма.
Билеги кючлю, бирни джыгъар, билими кючлю, мингни джыгъар.
Кечеси – аяз, кюню – къыш, джарлы къаргъагъа бир аш тюш!
Тёзгеннге, джабылгъан эшик ачылыр.
Къартны бурнун сюрт да, оноугъа тут.
Дженгил джетерикме деб, узун джолну къоюб, къысхасын барма.
Билим къая тешер.
Сабыр джетер муратха, сабырсыз къалыр уятха.
Билим насыб берир, билим джолну керир.
Адамны аты башхача, акъылы да башхады.
Къууут – джелге, берне – бошха.
Айраннга суу къош, телиге джол бош.
Бир абыннган – минг сюрюнюр.
Ата – билек, ана – джюрек!
Айтхан сёзюне табылгъан.
Ачны эсинде – аш.
Ургъан суудан башынгы сакъла.
Къарнынг ауруса, ауузунгу тый
Билим ат болуб да чабар, къуш болуб да учар.
Термилгенинги табмазса, кюлгенинге тюберсе.
Къолунгдан къуймакъ ашатсанг да, атаны борчундан къутулмазса.
Телиге от эт десенг, юйюнге от салыр.
knopka s geometri4eskimi figurami