Бермеген къол, алмайды.
Ариу – кёзге, акъыл – джюрекге.
Къумурсхала джыйылсала, пилни да джыгъадыла.
Тил бла келеди джыр да.
Билим къая тешер.
Тау башында, тау болмаз, джангыз терек, бау болмаз.
Къонакъны къачан кетерин сорма, къачан келлигин сор.
Джюз элде джюз ёгюзюм болгъандан эсе, джюз джууугъум болсун.
Джашда акъыл джокъ, къартда къарыу джокъ.
Къызны минг тилер, бир алыр.
Ёзденликни джайгъан – джокълукъ.
Айтханы чапыракъдан ётмеген.
Джюрекден джюрекге джол барды.
Ариу сёз – къылычдан джити.
Кёбге таш атма.
Игиге айтсанг – билир, аманнга айтсанг – кюлюр.
Ёлген эшек бёрюден къоркъмайды.
Къыйынлы джети элни къайгъысын этер.
Тешигини къатында, чычхан да батыр болур.
Ач къарынны, токъ билмез
Эртде тургъан джылкъычыны эркек аты тай табар.
Берекет берсин деген джерде, берекет болур.
Биреу ашаб къутулур, биреу джалаб тутулур.
Керек ташны ауурлугъу джокъ.
Ишни аллы бла къууанма да, арты бла къууан.
Айтхан – тынч, этген – къыйын.
Бетинги сатма, малынгы сат.
Ач да бол, токъ да бол – намысынга бек бол.
Къуру гыбыт бек дыгъырдар.
Экиндини кеч къылсанг, чабыб джетер ашхам.
Ашлыкъны арба юйге келтирир, чана базаргъа элтир.
Ашхы адам – халкъ байлыгъы, ашхы джер – джашау байлыгъы.
Ауругъанны сау билмез, ач къарынны токъ билмез.
Эринчекни эр алмаз, эр алса да, кёл салмаз, кёл салса да, кёб бармаз!
Aдам боллукъ, сыфатындан белгили.
Джаш болсун, къыз болсун, акъылы, саны тюз болсун.
Къарнынг бла ёч алма.
Окъуу – билимни ачхычы, окъуу – дунияны бачхычы.
Гырджын – тепсини тамадасы.
Аманнга игилик этсенг, юйюнге сау бармазса.
Иги сеники эсе да, сюйген кесимикин этеме.
Джети тилни билген джети кишиди.
Минг тенг да азды, бир джау да кёбдю.
Эркишиге тары кебек танг кёрюнюр.
Дуния малгъа сатылма, кесингден телиге къатылма.
Эки итни арасына сюек атма, эки адамны арасында сёз чыгъарма.
Этни да ашады, бетни да ашады.
Накъырданы арты керти болур.
Бичгенде ашыкъма, тикгенде ашыкъ.
Акъыл аздырмаз, билим тоздурмаз.
knopka s geometri4eskimi figurami