Тулпарлыкъ, билекден тюл – джюрекден.
Джюрекге ариу – кёзге да ариу.
Игини сыйлагъан адетди.
Эркишини аманы тиширыуну джылатыр.
Кютгени беш эчки, сызгъыргъаны уа, джерни джарады.
Сормай – алма, чакъырылмай – барма.
Къонагъы джокъну – шоху джокъ.
Джаралыны джастыгъында сау ёлюр.
Къошда джокъгъа – юлюш джокъ.
Юй кюйдю да, кюйюз чыкъды, ортасындан тюйюш чыкъды.
Башы джабылгъан челекге, кир тюшмез.
Адам боллукъ, атламындан белгили болур.
Келинин тута билмеген, къул этер, къызын тута билмеген, тул этер.
Ашлыкъны арба юйге келтирир, чана базаргъа элтир.
Ариу сёз джыланны орнундан чыгъарыр.
Ауузу бла къуш тута айланады.
Бал чибинни ургъаны – ачы, балы – татлы.
Хазыр ашха – терен къашыкъ.
Билимден уллу байлыкъ джокъду.
Джыгъылгъанны сырты джерден тоймаз.
Чабакъгъа акъыл, табагъа тюшсе келеди.
Тыш элде солтан болгъандан эсе, кесинги элде олтан болгъан игиди!
Тойгъан антын унутур.
Насыблы элин сюер, насыбсыз кесин сюер.
Джолунга кёре – джюрюшюнг, джагъанга кёре – юлюшюнг.
Чакъырылмай келген къонакъ сыйланмай кетер.
Таш ата билмеген, башына урур.
Аджашхан тёгерек айланыр.
Асхат ашлыкъ сата, юйдегиси ачдан къата.
Къаллай салам берсенг, аллай джууаб алырса.
Ариу джол аджал келтирмез.
Мураты болгъанны джюрек тебюую башхады.
Айыбны суу бла джууалмазса.
Хар ишни да аллы къыйынды.
Чёбню кёлтюрсенг, тюбюнден сёз чыгъар.
Хантына кёре тузу, юйюне кёре къызы.
Айырылмаз джууугъунга, унутмаз сёзню айтма.
Къонакъны къачан кетерин сорма, къачан келлигин сор.
Атлыны кёрсе, джаяуну буту талыр.
Ашхы болсанг, атынг чыгъар, аман болсанг, джанынг чыгъар.
Эл тойса, тоймагъан, эл къойса, къоймагъан.
Тюзлюк шохлукъну бегитир.
Тёзгеннге, джабылгъан эшик ачылыр.
Соргъан айыб тюлдю, билмеген айыбды.
Аджашханны ызындагъы кёреди, джангылгъанны джанындагъы биледи.
Ёлюк кебинсиз къалмаз.
Къолу уллу – асыу, аягъы уллу – джарсыу.
Къыйынлы джети элге оноу этер.
Кесинге джетмегенни, кёб сёлешме.
Акъылсызны джууукъгъа алма, акъыллыны кенгнге салма.
knopka s geometri4eskimi figurami