- Къарнынг къанлынга кийирир.
- Аман къатын сабий табса, бий болур…
- Туз, гырджын аша, тюзлюк бла джаша.
- Байлыкъ болгъан джерде, тынчлыкъ джокъду.
- Ишлемеген – тишлемез.
- Адамны артындан къара сабан сюрме.
- Ариу сёз аурууунгу алыр.
- Бетинги сатма, малынгы сат.
- Джашны джигитлиги сорулур, къызны джигерлиги сорулур.
- Тик ёргени, тик энгишгеси да болады.
- Чомартны къолу берекет.
- Чомарт джарлы болмаз.
- Мадар болса, къадар болур.
- Алтыннга тот къонмаз.
- Эл тойса, тоймагъан, эл къойса, къоймагъан.
- Адамны джюреги нени кёрюрге сюйсе, кёзю да аны кёрюрге ёч болады.
- Сабий болмагъан джерде, мёлек болмаз.
- Болджал ишни бёрю ашар.
- Ёпкелегенни ашы татлы болады.
- Тил джюрекге джол ишлейди.
- Уллу къазанда бишген эт, чий къалмаз.
- Халкъны юйю – туугъан джери.
- Джюрекге ариу – кёзге да ариу.
- Ачыкъ джюрекге джол – ачыкъ.
- Джолда аягъынга сакъ бол, ушакъда тилинге сакъ бол.
- Тюзлюк шохлукъну бегитир.
- Кёлсюзден сёзсюз тууар.
- Иги болса, тамадама – махтау, аман болса, меннге – айыб.
- Нёгерсизни джолу узун.
- Ариу сёзде ауруу джокъ.
- Чёбню кёлтюрсенг, тюбюнден сёз чыгъар.
- Ёзденликни кёбю ётюрюк.
- Къыйынлы джети элге оноу этер.
- Хаухну атма, ёнгкючню сатма.
- Эте билген, этген этеди, эте билмеген, юретген этеди!
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Келинни – келгинчи, бёркню кийгинчи кёр.
- Кёзню ачылгъаны – иги, ауузну джабылгъаны – иги.
- Баш – акъыл ючюн, акъылман – халкъ ючюн.
- Насыб бютеу халкъны юлюшюдю.
- Тилчи бир сагъатха айлыкъ хата этер.
- Эки ойлашыб, бир сёлешген.
- Байдан умут эте, джарлыдан ёгюз багъасы къорады.
- Таякъ этден ётер, тил сюекден ётер.
- Ариу – кёзге, акъыл – джюрекге.
- Къайгъы тюбю – тенгиз.
- Элге къуллукъ этмеген, элге ие болмаз.
- Байны оноуу, джарлыгъа джарамаз.
- Накъырданы арты керти болур.
- Сакъ юйюне сау барыр.
Фотографии СКД "Эльбрусоид"
22.12.2014
Фотографии с тренировок спортивного клуба дзюдо