- Кёбню кёрген – кёб билир.
- Нарт сёз – тилни бети.
- Чомарт бергенин айтмаз.
- Аз айтсам, кёб ангылагъыз.
- Минг тенг да азды, бир джау да кёбдю.
- Джашынгы кесинг юретмесенг, джашау юретир.
- Байны къызы баймакъ болса да, юйде къалмаз!
- Эм ашхы къайын ана мамукъ бла башынгы тешер.
- Шекер бла туз – бир болмаз, ушамагъан – юй болмаз.
- Билеги кючлю, бирни джыгъар, билими кючлю, мингни джыгъар.
- Иги – алгъыш этер, аман – къаргъыш этер.
- Джаным-тиним – окъуу, билим.
- Арыгъан къош чамчы болур.
- Къонакъ болсанг, ийнакъ бол.
- Джеринден айырылгъан – джети джылар, джуртундан айырылгъан – ёлгюнчю джылар.
- Ёксюзню къалачы уллу кёрюнюр.
- Алим болгъандан эсе, адам болгъан къыйынды.
- Адам боллукъ, атламындан белгили болур.
- Джумушакъ терекни къурт ашар.
- Алтыннга тот къонмаз.
- Эрни эр этерик да, къара джер этерик да, тиширыуду.
- Къатын байлыкъны сюер, эр саулукъну сюер.
- Тёзген – тёш ашар!
- Ишни ахырын ойламай, аллын башлама.
- Къумурсхала джыйылсала, пилни да джыгъадыла.
- Кюн кёрмеген, кюн кёрсе, кюндюз чыракъ джандырыр.
- Ариу сёз – джаннга азыкъ, аман сёз – башха къазыкъ.
- Тойну къарнашы – харс, джырны къарнашы – эжиу.
- Байлыкъ болгъан джерде, тынчлыкъ джокъду.
- Ашда – бёрю, ишде – ёлю.
- Тёрде – темир таякълы, къаяда – чыпчыкъ аякълы.
- Адамны сабийин сюйген джюреги, бычакъча, джитиди.
- Ат басханны джер билед.
- Ана – юйню кюн джарыгъы.
- Къыйынлы джети элге оноу этер.
- Тилсиз миллет джокъ болур.
- Суугъа – таянма, джаугъа – ийнанма.
- Тили узунну, намысы – къысха.
- Сютден ауузу кюйген, суугъа юфгюре эди.
- Шапа кёб болса, аш татымсыз болур.
- Хаухну атма, ёнгкючню сатма.
- Бир онгсуз адам адет чыгъарды, деб эштирик тюлсе.
- Алгъанда – джууукъ, бергенде – джау.
- Тура эдим джата, къайдан чыкъды хата?
- Ашхы болсанг, атынг чыгъар, аман болсанг, джанынг чыгъар.
- Накъырда – кертини келечиси.
- Рысхы джалгъанды: келген да этер, кетген да этер.
- Ач да бол, токъ да бол – намысынга бек бол.
- Тамчы таш тешер.
- Иги адамны бир сёзю эки болмаз.
Соревнования
22.12.2014