Эльбрусоид :: Эльбрусоид

Аз сёлешген, къайгъысыз турур.
Бетинги сатма, малынгы сат.
Баланы адам этген анады.
Арбаз къынгырды да, ийнек сауалмайма.
Къартны сыйын кёрмеген, къартлыгъында сыйлы болмаз.
Азыкълы ат арымаз, къатыны аман джарымаз.
Ургъан суудан башынгы сакъла.
Адам бла мюлк юлешмеген эсенг, ол адамны билиб бошагъанма, деб кесинги алдама.
Керилген да, ургъан кибикди.
Татлы тилде – сёз ариу, чемер къолда – иш ариу.
Ётюрюкню башын керти кесер.
Бойнуму джети джерден кессенг да, мен ол ишни этеллик тюлме.
Аш иеси бла татлыды.
Ёгюзню мюйюзлери ауурлукъ этмейдиле.
Алтыда кюлмеген, алтмышда кюлмез.
Ариуну – ауруу кёб.
Аз сёлеш, кёб ишле.
Келлик заман – къартлыкъ келтирир, кетген заман – джашлыкъ ёлтюрюр.
Сёлеш деб шай берген, тохта деб, сом берген.
Эртде тургъан бла эртде юйленнген сокъуранмаз.
Ётюрюкню къуйругъу – бир тутум.
Ойнаб айтсанг да, эслеб айт.
Кёб джашагъан – кёб билир.
Аз айтсам, кёб ангылагъыз.
Душманны тышы – акъ, ичи – къара.
Шекер бла туз – бир болмаз, ушамагъан – юй болмаз.
Чакъырылмагъан къонакъ къачан кетерин сормаз.
Иги – алгъыш этер, аман – къаргъыш этер.
Джарлыны эшигин махтагъан джабар.
Окъугъан озар, окъумагъан тозар.
От этилмеген джерден тютюн чыкъмайды.
Булут кёкге джарашыу, уят бетге джарашыу.
Ёлген ийнек сютлю болур.
Адам къаллай бир ишленмесе, аллай бир кесин уллу кёреди.
Керек ташны ауурлугъу джокъ.
Алма терегинден кери кетмез.
Ач, тоймам, дейди, тойгъан, ач болмам, дейди.
Акъыл сабырлыкъ берир.
Эринчекге кюн узун.
Къарт бла баш аша, джаш бла аякъ аша.
Аякъларынгы джууургъанынга кёре узат.
Таш бла ургъанны, аш бла ур.
Чёбню кёлтюрсенг, тюбюнден сёз чыгъар.
Экиндини кеч къылсанг, чабыб джетер ашхам.
Кесине оноу эте билмеген, халкъына да эте билмез.
Джаралыны джастыгъында сау ёлюр.
Чабакъсыз кёлге къармакъ салгъанлыкъгъа, чабакъ тутмазса.
Тил джюрекге джол ишлейди.
Ишлерге уял да, ашаргъа табма.
Джаш болсун, къыз болсун, акъылы, саны тюз болсун.