Эльбрусоид :: Эльбрусоид

Ётюрюкден тюбю джокъ, кёлтюрюрге джиби джокъ.
Онгсузну – джакъла, тенгликни – сакъла.
Агъач халкъгъа алтынды, иссиликге салкъынды.
Билимсиз иш бармаз.
Джюрекге ариу – кёзге да ариу.
Ойнаб айтсанг да, эслеб айт.
Сакъ юйюне сау барыр.
Къызны минг тилер, бир алыр.
Ариу сёз – джаннга азыкъ, аман сёз – башха къазыкъ.
Эки итни арасына сюек атма, эки адамны арасында сёз чыгъарма.
Джарлыны тону джаз битер.
Ашыкъгъан cуу, тенгизге джетмез.
Мени джылытмагъан кюн, меннге тиймесин!
Акъыл сабырлыкъ берир.
Этек чакъмакълары баш джаргъан, сёлешген сёзлери таш джаргъан.
Тилчи тилден къаныкъмаз.
Аман къатын алгъан, арыр, иги къатын алгъан джарыр.
Дженгил джетерикме деб, узун джолну къоюб, къысхасын барма.
Ашха уста, юйюнде болсун
Aдам боллукъ, сыфатындан белгили.
Эли джокъну – кёлю джокъ.
Тюзлюк шохлукъну бегитир.
Чакъырылмагъан къонакъ тёрге атламаз.
Ариуну – ауруу кёб.
Махтаннган къыз, тойда джукълар.
Къар – келтирди, суу – элтди.
Ашхы атаны – джашы ашхы, ашхы ананы – къызы ашхы.
Эм ашхы къайын ана мамукъ бла башынгы тешер.
Тамырсыз терекге таянма – джыгъылырса.
Къонакъ хазыр болгъанлыкъгъа, къонакъбай хазыр тюлдю.
Ата Джуртун танымагъан, атасын да танымаз.
Тынгылагъан тынгы бузар.
Телиге от эт десенг, юйюнге от салыр.
Зар адам ашынгы ашар, кесинги сатар.
Арбаз къынгырды да, ийнек сауалмайма.
Танг атмайма десе да, кюн къоярыкъ тюйюлдю.
Зарда марда джокъ.
Бети – къучакълар, джюреги – бычакълар.
Айырылмаз джууугъунга, унутмаз сёзню айтма.
Тели турса – той бузар.
Экеулен сёлеше тура эселе, орталарына барыб кирме.
Таш ата билмеген, башына урур.
Кёл ашады да, кеси ашады.
Аууздан келген, къолдан келсе, ким да патчах болур эди.
Джолда аягъынга сакъ бол, ушакъда тилинге сакъ бол.
Айыбны суу бла джууалмазса.
Ачны эсинде – аш.
Иги адамны бир сёзю эки болмаз.
Хансыз джомакъ болмаз.
Къартха ушагъан джаш – акъыллы, джашха ушагъан къарт – тели.