- Юйюнгден чыкъдынг – кюнюнгден чыкъдынг.
- Суу да къайтады чыкъгъан джерине.
- Ариу джол аджал келтирмез.
- Тойну къарнашы – харс, джырны къарнашы – эжиу.
- Сёз сёзню айтдырыр.
- Ашхы сёз таш тешер.
- Махтаннган къыз, тойда джукълар.
- Джерни букъусу кёкге къонмаз.
- Аш хазыр болса, иш харам болур.
- Кёлю джокъну – джолу джокъ.
- Халкъны юйю – туугъан джери.
- Кёбню кёрген – кёб билир.
- Ат да турмайды бир териде.
- Итли къонакъ джарашмаз.
- Адамны сыфатына къарама, сёзюне къара.
- Джылар джаш, атасыны сакъалы бла ойнар.
- Окъ къызбайны джокълайды.
- Къууут – джелге, берне – бошха.
- Мени джылытмагъан кюн, меннге тиймесин!
- Тулпарлыкъ, билекден тюл – джюрекден.
- Джогъун бар этген, барын бал этген.
- Джарлыны тону джаз битер.
- Алтыннга тот къонмаз.
- Къарын къуру болса, джюрек уру болур.
- Акъыл неден да кючлюдю.
- Айранны сюйген, ийнек тутар.
- Баш – акъыл ючюн, акъылман – халкъ ючюн.
- Джюрекге ариу – кёзге да ариу.
- Телини эшигин, махтау джабар.
- Къызбайны юйюне дери сюрсенг, батыр болур.
- Аз сёлешген, къайгъысыз турур.
- Джарлы тюеге минсе да, ит къабар.
- Элге къуллукъ этмеген, элге ие болмаз.
- Къалгъан ишге къар джауар.
- Къатын байлыкъны сюер, эр саулукъну сюер.
- Тойгъан джерге джети къайт.
- Джаханимни кёрмей, джандетге кёл салмазса.
- Джыйырма къойну юч джыйырма эбзе кюте эди.
- Ашхы болсанг, атынг чыгъар, аман болсанг, джанынг чыгъар.
- Къонакъ кёб келюучю юйню, къазаны отдан тюшмез.
- Эринчекни эр алмаз, эр алса да, кёл салмаз, кёл салса да, кёб бармаз!
- Айраннга суу къош, телиге джол бош.
- Тюз сёз баргъан сууну тыяр.
- Ёнгкюч къууана барыр, джылай келир.
- Асхат ашлыкъ сата, юйдегиси ачдан къата.
- Ётюрюкден тюбю джокъ, кёлтюрюрге джиби джокъ.
- Тыш элде солтан болгъандан эсе, кесинги элде олтан болгъан игиди!
- Таугъа чыгъаллыкъ эсенг, тюзде къалма.
- Рысхы – сют юсюнде кёмюк кибикди.
- Тил – кесген бычакъ, сёз – атылгъан окъ.
Соревнования
22.12.2014