- Кёзню ачылгъаны – иги, ауузну джабылгъаны – иги.
- Къайгъы тюбю – тенгиз.
- Джаш къарыу бла кючлю, къарт акъыл бла кючлю.
- Чомартха Тейри да борчлуду.
- Айыбны суу бла джууалмазса.
- Таукелге нюр джауар.
- Харам къарнашдан, халал тенг ашхы.
- Хантына кёре тузу, юйюне кёре къызы.
- Алтыда кюлмеген, алтмышда кюлмез.
- Биреуге кёлтюрген таягъынг, кесинги башынга урур.
- Агъач – джерни чырайы, кийим – эрни чырайы.
- Тенгни тенглиги джашай барсанг билинир.
- Джылыгъа джылан илешир.
- Арыгъан къош чамчы болур.
- Иги сеники эсе да, сюйген кесимикин этеме.
- Эринчекге кюн узун.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Халкъны юйю – туугъан джери.
- Кюн кёрмеген, кюн кёрсе, кюндюз чыракъ джандырыр.
- Накъырда – кертини келечиси.
- Атлыны ашхысы, ат тизгининден билинир
- Къууут – джелге, берне – бошха.
- Телиге акъыл салгъандан эсе, ёлгеннге джан салырса.
- Минг тенг да азды, бир джау да кёбдю.
- Дженгил джетерикме деб, узун джолну къоюб, къысхасын барма.
- Къая джолда джортма, ачыкъ сёзден къоркъма.
- Чыбыкълыкъда бюгюлмеген, къазыкълыкъда бюгюлмей эди.
- Келлик заман – къартлыкъ келтирир, кетген заман – джашлыкъ ёлтюрюр.
- Кенгеш болса, уруш болмаз.
- Дуния аламаты сен эсенг да, игиме деб айтма.
- Итли къонакъ джарашмаз.
- Рысхы – насыбха къор.
- Адеб джокъда, намыс джокъ.
- Ана – юйню кюн джарыгъы.
- Кесине гебен этелмеген, биреуге черен эте эди.
- Ушамагъан – джукъмаз.
- Сагъышы джокъ – джукъучу, акъылы джокъ – къаугъачы.
- Бюгюн дуния кибик, тамбла ахыратды.
- Акъыл сабырлыкъ берир.
- Джарлыны эшигин махтагъан джабар.
- Сууда джау джокъ, кёб сёзде магъана джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Суу кетер, таш къалыр.
- Джашлыкъ этмеген, башлыкъ этмез.
- Къыйынлы джети элге оноу этер.
- Бойнуму джети джерден кессенг да, мен ол ишни этеллик тюлме.
- Телини эшигин, махтау джабар.
- Мени джылытмагъан кюн, меннге тиймесин!
- Адебсиз адам – джюгенсиз ат.
- Акъылсызны джууукъгъа алма, акъыллыны кенгнге салма.