Эльбрусоид :: Эльбрусоид :: Различные фото

Эки къатын алгъан – эки ташны ортасына башын салгъан.
Эрине къаргъыш этген къатын, эрнин къабар.
Окъуусуз билим – джокъ, билимсиз кюнюнг – джокъ.
Къыз келсе, джумуш эте келеди, къатын келсе, ушакъ эте келеди.
Ашхы – джыяр, аман – джояр.
Эм уллу байлыкъ – джан саулукъ.
Кёб ант этген, кёб ётюрюк айтыр.
Сёлеш деб шай берген, тохта деб, сом берген.
Бетинги сатма, малынгы сат.
Къатын байлыкъны сюер, эр саулукъну сюер.
Аманны тукъумуна къарама, игини тукъумун сорма.
Ёзденликни кёбю ётюрюк.
Нёгерсизни джолу узун.
Аджаллыгъа окъсуз шкок атылыр.
Иги сеники эсе да, сюйген кесимикин этеме.
Элде адам къалмаса, ит тахтагъа минер.
Узун джолну барсанг, бюгюн келирсе, къысха джолну барсанг, тамбла келирсе.
Ётюрюкден тюбю джокъ, кёлтюрюрге джиби джокъ.
Дуния мал дунияда къалады.
Телиге от эт десенг, юйюнге от салыр.
Къыйынлы джети элге оноу этер.
Таукелге нюр джауар.
Къызгъанчдан ычхыныр, мухардан ычхынмаз.
Ачыкъ джюрекге джол – ачыкъ.
Тамырсыз терекге таянма – джыгъылырса.
Байлыкъ келсе, акъыл кетер.
Ашхы адам – халкъ байлыгъы, ашхы джер – джашау байлыгъы.
Джарлыны тону джаз битер.
Тура эдим джата, къайдан чыкъды хата?
Босагъагъа джууукъ орун болса, ашыгъыб тёрге озма.
Ёзденликни джайгъан – джокълукъ.
Аманнга алтын чыдамаз.
Таула не мийик болсала да, аууш табылыр.
Адебсиз адам – джюгенсиз ат.
Джаш къарыу бла кючлю, къарт акъыл бла кючлю.
Джигер – джаннга къыйынлыкъ.
Къонакъ болсанг, ийнакъ бол.
Къар – келтирди, суу – элтди.
Тас болгъан бычакъны сабы – алтын.
Арпа, будай – ащды, алтын, кюмюш а – ташды.
Арбаз къынгырды да, ийнек сауалмайма.
Ата Джуртуму башы болмасам да, босагъасында ташы болайым.
Чоюнну башы ачыкъ болса, итге уят керекди.
Ётюрюкню къуйругъу – бир тутум.
Кесине оноу эте билмеген, халкъына да эте билмез.
Чомарт къонакъ юй иесин сыйлар.
Къызын тута билмеген, тул этер, джашын тута билмеген, къул этер.
Сёз къанатсыз учар.
Тойгъа барсанг, тоюб бар, эски тонунгу къоюб бар.
Эртде тургъан бла эртде юйленнген сокъуранмаз.