- Джюрек кёзден алгъа кёрюр.
- Адам къыйынлыгъын кёлтюрюр, зауукълугъун кёлтюрмез.
- Къыйынлы джети элни къайгъысын этер.
- Тойгъанлыкъ къойгъа джарашады.
- Къызгъанчдан ычхыныр, мухардан ычхынмаз.
- Хансыз джомакъ болмаз.
- Мухар, кеси тойса да, кёзю тоймаз.
- Джарлы эскисин джамаса, къууаныр.
- Ач отунчуну ачыуу – бурнунда.
- Адамны бетине къарама, адетине къара.
- Аз сёлеш, кёб ишле.
- Кёзню ачылгъаны – иги, ауузну джабылгъаны – иги.
- Чабакъсыз кёлге къармакъ салгъанлыкъгъа, чабакъ тутмазса.
- Ауругъаннга – кийик саулукъ, джетген къызгъа – чилле джаулукъ.
- Эрине къаргъыш этген къатын, эрнин къабар.
- Къайтырыкъ эшигинги, къаты уруб чыкъма.
- Ариу сёз джыланны орнундан чыгъарыр.
- Хар зат кесини орнуна иги.
- Ачыу алгъа келсе, акъыл артха къалады.
- Иги адам абынса да, джангылмаз.
- Башы джабылгъан челекге, кир тюшмез.
- Биреу ашаб къутулур, биреу джалаб тутулур.
- Тау башында, тау болмаз, джангыз терек, бау болмаз.
- Шайтан алдады, тюзлюк къаргъады.
- Джети тилни билген джети кишиди.
- Башда акъыл болмаса, эки аякъгъа кюч джетер.
- Тилчи тилден къаныкъмаз.
- Ушамагъан – джукъмаз.
- Бал – татлы, балдан да бала – татлы.
- Бир абыннган – минг сюрюнюр.
- Телиге акъыл салгъандан эсе, ёлгеннге джан салырса.
- Башынга джетмегенни сорма.
- Адамны аманы адамны бети бла ойнар.
- Мухарны эси – ашарыкъда.
- Намыс болмагъан джерде, насыб болмаз.
- Телиге от эт десенг, юйюнге от салыр.
- Ата – баланы уясы.
- Рысхы – сют юсюнде кёмюк кибикди.
- Адебсиз адам – джюгенсиз ат.
- Окъугъанны бети джарыкъ.
- Тойгъандан сора, ашны сёкме.
- Тойгъан антын унутур.
- Билим къая тешер.
- Аш кетер да бет къалыр.
- Чёбню кёлтюрсенг, тюбюнден сёз чыгъар.
- Тилде сюек болмаса да, сюек сындырыр.
- Бозаны арты дауур болур.
- Таш ата билмеген, башына урур.
- Джангызны оту джарыкъ джанмаз!
- Къонакъ аман болса, къонакъбай джунчур