- Уллу къазанда бишген эт, чий къалмаз.
- Джюрек кёзден алгъа кёрюр.
- Эли джокъну – кёлю джокъ.
- Бёрю да ач къалмасын, эчки да ашалмасын.
- Кёл – къызбай, къол – батыр.
- Тойчу джашха къарама, къойчу джашха къара.
- Тюкюрюк баш джармаз, налат кёз чыгъармаз!
- Агъач – джерни чырайы, кийим – эрни чырайы.
- Тин – байлыгъынг, терен саулугъунг.
- Ишлерге уял да, ашаргъа табма.
- Тойгъан джерден туугъан джер игиди.
- Тил – кесген бычакъ, сёз – атылгъан окъ.
- Джыланны къуйругъундан басарынг келсе, аны башы болгъанын унутма.
- Ана кёлю – балада, бала кёлю – талада.
- Тас болгъан бычакъны сабы – алтын.
- Чабакъсыз кёлге къармакъ салгъанлыкъгъа, чабакъ тутмазса.
- Аман къатын алгъан, арыр, иги къатын алгъан джарыр.
- Минг тенг да азды, бир джау да кёбдю.
- Иги джашны ышаны – аз сёлешиб, кёб тынгылар.
- Таш ата билмеген, башына урур.
- Айраннга суу къош, телиге джол бош.
- Ауругъанны сау билмез, ач къарынны токъ билмез.
- Адебсиз адам – джюгенсиз ат.
- Зарда марда джокъ.
- Ётюрюкден тюбю джокъ, кёлтюрюрге джиби джокъ.
- Ариу сёз – джаннга азыкъ, аман сёз – башха къазыкъ.
- Къазанны башы ачыкъ болса, итге уят керекди.
- Бетинги сатма, малынгы сат.
- Aдам боллукъ, сыфатындан белгили.
- Юреннген ауруу къалмаз.
- Ётюрюкню къуйругъу – бир тутум.
- Арпа, будай – ащды, алтын, кюмюш а – ташды.
- Ариу сёз – къылычдан джити.
- Нафысынгы айтханын этме, намысынгы айтханын эт.
- Адамны бетине къарама, адетине къара.
- Бети къызарыучу адамны, джюреги харам болмаз.
- Атлыны ашхысы, ат тизгининден билинир
- Ариу джол аджал келтирмез.
- Азыгъы аз, алгъа къабар, аты аман, алгъа чабар.
- Ишленмеклик адамлыкъды.
- Эм ашхы къайын ана мамукъ бла башынгы тешер.
- Тойгъа барсанг, тоюб бар, эски тонунгу къоюб бар.
- Къонакъ болсанг, ийнакъ бол.
- Уллу атлама – абынырса, уллу къабма – къарылырса.
- Джыгъылгъанны сырты джерден тоймаз.
- Къайгъы тюбю – тенгиз.
- Алма терегинден кери кетмез.
- Чабакъгъа акъыл, табагъа тюшсе келеди.
- Кёб джат да, бек чаб.
- Иги адамны бир сёзю эки болмаз.