- Ёлюк кебинсиз къалмаз.
- Ёксюзню къалачы уллу кёрюнюр.
- Адамны бетине къарама, адетине къара.
- Бек анасы джыламаз.
- Эки къатын алгъан – эки ташны ортасына башын салгъан.
- Башы джабылгъан челекге, кир тюшмез.
- Джаш къарыу бла кючлю, къарт акъыл бла кючлю.
- Ариу сёз джыланны орнундан чыгъарыр.
- Иесиз малны бёрю ашар.
- Кечеси – аяз, кюню – къыш, джарлы къаргъагъа бир аш тюш!
- Ауузу аманнга «иги», деме.
- Айтханы чапыракъдан ётмеген.
- Аджашхан тёгерек айланыр.
- Кёбге таш атма.
- Айтхан – тынч, этген – къыйын.
- Байны къызы баймакъ болса да, юйде къалмаз!
- Къазанчы аман болса, къазаны къайнамаз.
- Ач бёрюге мекям джокъ.
- Тюзлюк тас болмайды.
- Эки элинги тыйсанг, джети элде махталырса.
- Мал тутхан – май джалар.
- Кёб джашагъан – кёб билир.
- Башсыз урчукъ тюзюне айланмаз.
- Кирсизни – саны таза, халалны – къаны таза.
- Тиширыусуз юй – отсуз от джагъа.
- Ачыу алгъа келсе, акъыл артха къалады.
- Джарлы тюеге минсе да, ит къабар.
- Аш берме да, къаш бер.
- Ач къарным, тынч къулагъым.
- Чакъырылмагъан къонакъ къачан кетерин сормаз.
- Билим ат болуб да чабар, къуш болуб да учар.
- Сангырау къулакъ эл бузар.
- Ёзденликни кёбю ётюрюк.
- Тилсиз миллет джокъ болур.
- Ашына кёре табагъы, балына кёре къалагъы.
- Джюз элде джюз ёгюзюм болгъандан эсе, джюз джууугъум болсун.
- Къызны минг тилер, бир алыр.
- Хаухну атма, ёнгкючню сатма.
- Къулакъдан эсе, кёзге ышан.
- Аман хансны – урлугъу кёб.
- Ариу сёз – къылычдан джити.
- Аманнга игилик этсенг, юйюнге сау бармазса.
- Ач – эснер, ат – кишнер.
- Аман къатын алгъан, арыр, иги къатын алгъан джарыр.
- Кюл тюбюндеги от кёрюнмейди.
- Хантына кёре тузу, юйюне кёре къызы.
- Къонагъы джокъну – шоху джокъ.
- Джаз бир кюнню джатсанг, къыш талай кюнню абынырса.
- Гугурук къычырмаса да, тангны атары къалмаз.
- Сёз – кюмюш, джыр – алтын.