- Тойгъан джерге джети къайт.
- Ач, тоймам, дейди, тойгъан, ач болмам, дейди.
- Аурууну келиую тынч, кетиую – къыйын.
- Айранын берсенг, челегин да къызгъанма.
- Тилде сюек болмаса да, сюек сындырыр.
- Босагъагъа джууукъ орун болса, ашыгъыб тёрге озма.
- Ач къарным, тынч къулагъым.
- Ашатыргъа иш – ашхы, ишлетирге аш – ашхы.
- Сёз сёзню айтдырыр.
- Этни да ашады, бетни да ашады.
- Окъ къызбайны джокълайды.
- Бек анасы джыламаз.
- Ат басханны джер билед.
- Къыз келсе, джумуш эте келеди, къатын келсе, ушакъ эте келеди.
- Эки итни арасына сюек атма, эки адамны арасында сёз чыгъарма.
- Къазанда болса, чолпугъа чыгъар.
- Къоркъакъны кёзю экили кёрюр.
- Адебсиз адам – джюгенсиз ат.
- Чыкълы кюнде чыкъмагъан, чыкъса къуру кирмеген.
- Кёзню ачылгъаны – иги, ауузну джабылгъаны – иги.
- Ашхы – джыяр, аман – джояр.
- Кийим тукъум сордурур.
- Таш бла ургъанны, аш бла ур.
- Джашны джигитлиги сорулур, къызны джигерлиги сорулур.
- Окъумагъан сокъурду, сокъур ташха абыныр!
- Байлыкъ келсе, акъыл кетер.
- Билмезни кёзю кёрмез, этмезни къулагъы эшитмез.
- Окъуу – билимни ачхычы, окъуу – дунияны бачхычы.
- Башы джабылгъан челекге, кир тюшмез.
- Суу кетер, таш къалыр.
- Биреуню тёрюнден, кесинги эшик артынг игиди.
- Ишлемеген – тишлемез.
- Тенгни тенглиги джашай барсанг билинир.
- Экеу тутушса, биреу джыгъылыр.
- Ата Джуртча джер болмаз, туугъан элча эл болмаз.
- Азыгъы аз, алгъа къабар, аты аман, алгъа чабар.
- Мураты болгъанны джюрек тебюую башхады.
- Азыкъ аз болса, эртде орун сал.
- Биреуге аманлыкъ этиб, кесинге игилик табмазса.
- Битмегеннге сакъал – танг.
- Эринчекни аурууу – кёб.
- Тилсиз миллет джокъ болур.
- Тойну къарнашы – харс, джырны къарнашы – эжиу.
- Аманны эки битли тону болур, бирин сеннге кийдирир, бирин кеси киер.
- Тюзлюк тас болмайды.
- Адам туугъан джеринде, ит тойгъан джеринде.
- Ач бёрюге мекям джокъ.
- Бет бетге къараса, бет да джерге къарар.
- Чомарт бергенин айтмаз.
- Айран ичген – къутулду, джугъусун джалагъан – тутулду.