Эльбрусоид :: Эльбрусоид :: Различные фото

Ач келгенни – тойдур, кеч келгенни – къондур.
Кёбге таш атма.
Акъыл неден да кючлюдю.
Керек ташны ауурлугъу джокъ.
Хантына кёре тузу, юйюне кёре къызы.
Адамны сыфатына къарама, сёзюне къара.
Олтуруб кёрюнмей эди да, ёрге туруб кёрюне эди.
Акъылсызны джууукъгъа алма, акъыллыны кенгнге салма.
Ишленмеген джаш – джюгенсиз ат, ишленмеген къыз – тузсуз хант.
Ач, тоймам, дейди, тойгъан, ач болмам, дейди.
Ариу сёзде ауруу джокъ.
Аман эсирсе, юйюн ояр.
Алтыннга тот къонмаз.
Адебни адебсизден юрен.
Хансыз джомакъ болмаз.
Ана кёлю – балада, бала кёлю – талада.
Ашда – бёрю, ишде – ёлю.
Таула не мийик болсала да, аууш табылыр.
Атлыны ашхысы, ат тизгининден билинир
Ёлген ийнек сютлю болур.
Къатыны харакетли болса, эри къымсыз болур.
Этек чакъмакълары баш джаргъан, сёлешген сёзлери таш джаргъан.
Билимден уллу байлыкъ джокъду.
Ётюрюкню башын керти кесер.
Тойгъанлыкъ къойгъа джарашады.
Бек анасы джыламаз.
Аш берме да, къаш бер.
Хазыр ашха – терен къашыкъ.
Бозаны арты дауур болур.
Элде адам къалмаса, ит тахтагъа минер.
Ауузу аманнга «иги», деме.
Агъач халкъгъа алтынды, иссиликге салкъынды.
Къоркъакъны кёзю экили кёрюр.
Ата джурт – алтын бешик.
Адебсиз адам – джюгенсиз ат.
Таш бла ургъанны, аш бла ур.
Аз сёлешген, къайгъысыз турур.
Керти сёзге тёре джокъ.
Дженгил джетерикме деб, узун джолну къоюб, къысхасын барма.
Аман къатын алгъан, арыр, иги къатын алгъан джарыр.
Танг атмайма десе да, кюн къоярыкъ тюйюлдю.
Тойгъан джерге джети къайт.
Ашха уста, юйюнде болсун
Уллу сёзде уят джокъ.
Сагъыш – къартлыкъгъа сюйюмчю.
Къарт бла баш аша, джаш бла аякъ аша.
Итли къонакъ джарашмаз.
Ёпкелегенни ашы татлы болады.
Ётген ёмюр – акъгъан суу.
Биреу ашаб къутулур, биреу джалаб тутулур.