Эльбрусоид :: Эльбрусоид :: Различные фото

Ёлген ийнек сютлю болур.
Ачны эсинде – аш.
Иесиз малны бёрю ашар.
Эр сокъур болсун, къатын тилсиз болсун.
Ауузу бла къуш тута айланады.
Адамны артындан къара сабан сюрме.
Эркишини аманы тиширыуну джылатыр.
Къонакъны къачан кетерин сорма, къачан келлигин сор.
Чёбню кёлтюрсенг, тюбюнден сёз чыгъар.
Ишлегенде эринме, ишде чолакъ кёрюнме.
Айран ичген – къутулду, джугъусун джалагъан – тутулду.
Джиби бир къат джетмей эди да, эки къат тарта эди.
Акъылсызны джууукъгъа алма, акъыллыны кенгнге салма.
Аджалсыз ёлюм болмаз.
Хар сёзню орну барды.
Ёпкелегенни ашы татлы болады.
Билмезни кёзю кёрмез, этмезни къулагъы эшитмез.
Кимни – тили, тиши онглу, кимни – къолу, иши онглу.
Билеги кючлю, бирни джыгъар, билими кючлю, мингни джыгъар.
Ашаса, ашамаса да, бёрюню ауузу – къан.
Ишин билген, аны сыйын чыгъарады.
Адам сёзге тынгыла, акъыл сёзню ангыла.
Ёксюзню тилеги къабыл болур.
Тил джюрекге джол ишлейди.
Баланы адам этген анады.
Байлыкъдан саулукъ ашхыды.
Ана къойну – балагъа джандет.
Ётюрюкню къуйругъу – бир тутум.
Тилчиден кери бол.
Иши джокъну, сыйы джокъ.
Экеулен сёлеше тура эселе, орталарына барыб кирме.
Тыш элде солтан болгъандан эсе, кесинги элде олтан болгъан игиди!
Ёгюзню мюйюзюнден тутадыла, адамны сёзюнден тутадыла.
Айранын берсенг, челегин да къызгъанма.
Эли джокъну – кёлю джокъ.
Джангызны оту джарыкъ джанмаз!
Ёгюзню мюйюзлери ауурлукъ этмейдиле.
Ач уят къоймаз.
Джылар джаш, атасыны сакъалы бла ойнар.
Узун джолну барсанг, бюгюн келирсе, къысха джолну барсанг, тамбла келирсе.
Къызын тута билмеген, тул этер, джашын тута билмеген, къул этер.
Кёзден кетген, кёлден да кетеди.
Ач отунчуну ачыуу – бурнунда.
Къартны сыйын кёрмеген, къартлыгъында сыйлы болмаз.
Къайгъы тюбю – тенгиз.
Биреуню тёрюнден, кесинги эшик артынг игиди.
Садакъачыны джаны – къапчыгъында.
Ашатыргъа иш – ашхы, ишлетирге аш – ашхы.
Сабийликде юретмесенг, уллу болса – тюзелмез.
Тешик этген тынчды, аны джамагъан къыйынды.