Эльбрусоид :: Эльбрусоид :: Различные фото

Къонакъ болсанг, ийнакъ бол.
Эринчекни эр алмаз, эр алса да, кёл салмаз, кёл салса да, кёб бармаз!
Кирсизни – саны таза, халалны – къаны таза.
Окъугъанны бети джарыкъ.
Байлыкъ келсе, акъыл кетер.
Хаухну атма, ёнгкючню сатма.
Ёлген ийнек сютлю болур.
Бир абыннган – минг сюрюнюр.
Юй кюйдю да, кюйюз чыкъды, ортасындан тюйюш чыкъды.
Къобан да къуру да къобханлай турмайды, адам да къуру да патчахлай турмайды.
Нёгер болсанг, тенг бол, тенг болмасанг, кенг бол.
Джети тилни билген джети кишиди.
Намыс болмагъан джерде, насыб болмаз.
Къарт айтханны этмеген, къартаймаз.
Керек ташны ауурлугъу джокъ.
Ата Джуртуму башы болмасам да, босагъасында ташы болайым.
Азыгъы аз, алгъа къабар, аты аман, алгъа чабар.
Къатын байлыкъны сюер, эр саулукъну сюер.
Биреуню къыйынлыгъы бла кесинге джол ишлеме.
Эринчекни аурууу – кёб.
Къызгъанчдан ычхыныр, мухардан ычхынмаз.
Ёлюр джаннга, ёкюл джокъ.
Олтуруб кёрюнмей эди да, ёрге туруб кёрюне эди.
Сакъалы текени да бар, мыйыгъы киштикни да бар.
Кёзню ачылгъаны – иги, ауузну джабылгъаны – иги.
Таукел адам тау тешер.
Сёз къанатсыз учар.
Уллу къазанда бишген эт, чий къалмаз.
Уллу айтханны этмеген – уллаймаз.
Этим кетсе да, сюегим къалыр.
Эки элинги тыйсанг, джети элде махталырса.
Тас болгъан бычакъны сабы – алтын.
Къарнынг тойгъунчу аша да, белинг талгъынчы ишле.
Намысы болмагъанны, сыйы болмаз.
Игиге айтсанг – билир, аманнга айтсанг – кюлюр.
Ойнаб айтсанг да, эслеб айт.
Ауузу аманнга «иги», деме.
Аллахха ийнаннган кишини, Аллах онгдурур ишин.
Ач къалгъандан, кеч къалгъан къолай.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джырчы ёлсе, джыры къалыр.
Къонакъ аз олтурур, кёб сынар.
Адамны джюреги нени кёрюрге сюйсе, кёзю да аны кёрюрге ёч болады.
Мухарны эси – ашарыкъда.
Юре билмеген ит, къонакъ келтирир.
Таукел къуру къалмаз.
Ана – юйню кюн джарыгъы.
Окъуусуз билим – джокъ, билимсиз кюнюнг – джокъ.
Къартны бурнун сюрт да, оноугъа тут.
Мал кёб болса, джууукъ кёб болур.