Эльбрусоид :: Эльбрусоид :: Различные фото

Булут кёкге джарашыу, уят бетге джарашыу.
Эл элде бирер малынг болгъандан эсе, бирер тенгинг болсун.
Къазанда болса, чолпугъа чыгъар.
Джауумдан сора, кюн кюйдюрюр, ётюрюкден сора, айыб кюйдюрюр.
Шайтан алдады, тюзлюк къаргъады.
Тешик этген тынчды, аны джамагъан къыйынды.
Джолда аягъынга сакъ бол, ушакъда тилинге сакъ бол.
Джашлыкъ этмеген, башлыкъ этмез.
Рысхысына кёре, джаш ёсер, къышлыгъына кёре, мал ёсер.
Суу ичген шауданынга тюкюрме.
Джырчы джырчыгъа – къарнаш.
Ачыкъ джюрекге джол – ачыкъ.
Ариу сёз аурууунгу алыр.
Билимсиз иш бармаз.
Айырылгъанланы айю ашар, бёлюннгенлени бёрю ашар.
Кёкдеги болмаса, джердегин кёрмейди.
Къонакъ кёб келюучю юйню, къазаны отдан тюшмез.
Ишге юренсин къоллары, халкъ бла болсун джоллары.
Эм ашхы къайын ана мамукъ бла башынгы тешер.
Ариу сёз джыланны орнундан чыгъарыр.
Биреу къой излей, биреу той излей.
Тойчу джашха къарама, къойчу джашха къара.
Ишни ахырын ойламай, аллын башлама.
Башы джабылгъан челекге, кир тюшмез.
Тынгылагъан тынгы бузар.
Ауузу аманнга «иги», деме.
Сёз – кюмюш, джыр – алтын.
Ауругъанны сау билмез, ач къарынны токъ билмез.
Джогъун бар этген, барын бал этген.
Къолу уллу – асыу, аягъы уллу – джарсыу.
Джарашыу сюйген – джалынчакъ.
Кирсизни – саны таза, халалны – къаны таза.
Юйюнг бла джау болгъандан эсе, элинг бла джау бол.
Чакъырылгъанны аты, чакъырылмагъанны багъасы болур.
Алтыда кюлмеген, алтмышда кюлмез.
Тюзню ётмеги тюзде къалса да, тас болмаз.
Къыз чыгъаргъан – къызыл къымжа.
Джашда акъыл джокъ, къартда къарыу джокъ.
Мен да «сен», дейме, сен да «кесим», дейсе.
Аллахдан тилесенг, кёб тиле.
Намыс болмагъан джерде, насыб болмаз.
Джюз элде джюз ёгюзюм болгъандан эсе, джюз джууугъум болсун.
Ашыкъгъан cуу, тенгизге джетмез.
Иги сёз – джаннга азыкъ, аман сёз башха – къазыкъ.
Ёзденликни джайгъан – джокълукъ.
Къуру гыбыт бек дыгъырдар.
Бозаны арты дауур болур.
Айтхан сёзюне табылгъан.
Тамбла алтындан бюгюн багъыр ашхы.
Адам бла мюлк юлешмеген эсенг, ол адамны билиб бошагъанма, деб кесинги алдама.