Эльбрусоид :: Эльбрусоид :: Различные фото

Ишлегенде эринме, ишде чолакъ кёрюнме.
Кёбге таш атма.
Эринчекни эр алмаз, эр алса да, кёл салмаз, кёл салса да, кёб бармаз!
Къонакъ хазыр болгъанлыкъгъа, къонакъбай хазыр тюлдю.
Кимни – тили, тиши онглу, кимни – къолу, иши онглу.
Аурууну келиую тынч, кетиую – къыйын.
Телиге от эт десенг, юйюнге от салыр.
Кёл – къызбай, къол – батыр.
Чакъырылмагъан къонакъ тёрге атламаз.
Баланы адам этген анады.
Чомарт къолда мал къалмаз.
Эли джокъну – кёлю джокъ.
Ана кёлю – балада, бала кёлю – талада.
Чёбню кёлтюрсенг, тюбюнден сёз чыгъар.
Къыйынлы джети элни къайгъысын этер.
Уллу сёлешме да, уллу къаб.
Тилсиз миллет джокъ болур.
Джеринден айырылгъан – джети джылар, джуртундан айырылгъан – ёлгюнчю джылар.
Сагъышы джокъ – джукъучу, акъылы джокъ – къаугъачы.
Эм ашхы къайын ана мамукъ бла башынгы тешер.
Ауузу аманнга «иги», деме.
Ач келгенни – тойдур, кеч келгенни – къондур.
Эл бла кёргенинг эрелей.
Минг тенг да азды, бир джау да кёбдю.
Джахил болса анасы, не билликди баласы?
Эринчекге кюн узун.
Айырылгъанланы айю ашар, бёлюннгенлени бёрю ашар.
Мухарны эси – ашарыкъда.
Бек ашыкъгъан меннге джетсин, дегенди аракъы.
Аджалсыз ёлюм болмаз.
Керек ташны ауурлугъу джокъ.
Тёрдеги кюлсе, эшикдеги ышарыр.
Билим насыб берир, билим джолну керир.
Ач къалгъандан, кеч къалгъан къолай.
Адеб джокъда, намыс джокъ.
Тойгъан джерден туугъан джер игиди.
Айтхан сёзюне табылгъан.
Джарлы тюеге минсе да, ит къабар.
Чыкълы кюнде чыкъмагъан, чыкъса къуру кирмеген.
Ариу сёз джыланны орнундан чыгъарыр.
Сютню башын джалагъан къутулур, тюбюн ичген тутулур.
Къартха ушагъан джаш – акъыллы, джашха ушагъан къарт – тели.
Ёлюк кебинсиз къалмаз.
Мал ёлсе, сюек къалыр, адам ёлсе, иши къалыр.
Къуру гыбыт бек дыгъырдар.
Уллу къазанда бишген эт, чий къалмаз.
Тюзлюк шохлукъну бегитир.
Джаш къарыу бла кючлю, къарт акъыл бла кючлю.
Эки ойлашыб, бир сёлешген.
Ашыкъгъан cуу, тенгизге джетмез.