- Ойнай билмеген, уруб къачар.
- Байлыкъ келсе, акъыл кетер.
- Ач – эснер, ат – кишнер.
- Джолда аягъынга сакъ бол, ушакъда тилинге сакъ бол.
- Къартха ушагъан джаш – акъыллы, джашха ушагъан къарт – тели.
- Нарт сёз къарт болмаз.
- Тойчу джашха къарама, къойчу джашха къара.
- Чакъырылгъанны аты, чакъырылмагъанны багъасы болур.
- Билимсиз иш бармаз.
- Тик ёргени, тик энгишгеси да болады.
- Адам къаллай бир ишленмесе, аллай бир кесин уллу кёреди.
- Орундукъ тюбюнде атылсам да, орта джиликме, де да айлан.
- Аджалсыз ёлюм болмаз.
- Кюл тюбюндеги от кёрюнмейди.
- Дуния малгъа сатылма, кесингден телиге къатылма.
- Кенгеш болса, уруш болмаз.
- Юйлю уругъа ит чабмаз.
- Кеси юйюмде мен да ханма.
- Ашхы тенг джолгъа салыр, аман тенг джолдан тайдырыр.
- Ачлыкъ отха секиртир.
- Ишлерге уял да, ашаргъа табма.
- Ичимден чыкъды хата, къайры барайым сата?
- Кесине гебен этелмеген, биреуге черен эте эди.
- Бермеген къол, алмайды.
- Терслик кетер, тюзлюк джетер.
- Къазанчы аман болса, къазаны къайнамаз.
- Чыкълы кюнде чыкъмагъан, чыкъса къуру кирмеген.
- Чомарт къолда мал къалмаз.
- Джашынгы кесинг юретмесенг, джашау юретир.
- Иги бла джюрюсенг, джетерсе муратынга, аман бла джюрюсенг, къалырса уятха.
- Киштикге къанат битсе, чыпчыкъ къалмаз эди.
- Ауругъан – джашаудан умутчу.
- Хатерли къул болур.
- Эртде тургъан бла эртде юйленнген сокъуранмаз.
- Къарт бла баш аша, джаш бла аякъ аша.
- Зар адамны насыбы болмаз.
- Ата джурт – алтын бешик.
- Ач къалгъандан, кеч къалгъан къолай.
- Ханы къызы буюгъа-буюгъа киштик болду.
- Билгенни къолу къарны джандырыр.
- Мени джылытмагъан кюн, меннге тиймесин!
- Телини эшигин, махтау джабар.
- Бозанг болмагъан джерге, къалагъынгы сукъма.
- Хар сёзню орну барды.
- Баш болса, бёрк табылыр.
- Ишленмеген джаш – джюгенсиз ат, ишленмеген къыз – тузсуз хант.
- Айырылгъанланы айю ашар, бёлюннгенлени бёрю ашар.
- Тас болгъан бычакъны сабы – алтын.
- Бал чибинни ургъаны – ачы, балы – татлы.
- Аман къатын алгъан, арыр, иги къатын алгъан джарыр.