Эльбрусоид :: Эльбрусоид :: Различные фото

Джолунга кёре – джюрюшюнг, джагъанга кёре – юлюшюнг.
Алим болгъандан эсе, адам болгъан къыйынды.
Хунаны тюбюн къазсанг, юсюнге ауар.
Къайгъыны сюйген, къайгъы табар.
Аджашхан тёгерек айланыр.
Рысхы – сют юсюнде кёмюк кибикди.
Иги болса, тамадама – махтау, аман болса, меннге – айыб.
Кёб къычыргъандан – къоркъма, тынч олтургъандан – къоркъ.
Байлыкъ болгъан джерде, тынчлыкъ джокъду.
Къуру гыбыт бек дыгъырдар.
Иесиз малны бёрю ашар.
Чоюнну башы ачыкъ болса, итге уят керекди.
Эр сокъур болсун, къатын тилсиз болсун.
Адамны аты башхача, акъылы да башхады.
Ишге юренсин къоллары, халкъ бла болсун джоллары.
Сютню башын джалагъан къутулур, тюбюн ичген тутулур.
Къобан да къуру да къобханлай турмайды, адам да къуру да патчахлай турмайды.
Тенгни тенглиги джашай барсанг билинир.
Байны къызы баймакъ болса да, юйде къалмаз!
Алгъанда – джууукъ, бергенде – джау.
Тюзлюк шохлукъну бегитир.
Суугъа – чабакъ, къаягъа – ыргъакъ.
Къралынгы – душмандан, башынгы от бла суудан сакъла.
Ана – юйню кюн джарыгъы.
Дууулдаса – бал чибин, къонса – къара чибин.
Эки къатын алгъан – эки ташны ортасына башын салгъан.
Чарсда алчыны эл кёреди.
Арыгъан къош чамчы болур.
Джыланны къуйругъундан басарынг келсе, аны башы болгъанын унутма.
Тынгылагъан тынгы бузар.
Къаллай салам берсенг, аллай джууаб алырса.
Сютден ауузу кюйген, суугъа юфгюре эди.
От кюйдюрген, сау болса да, тот кюйдюрген, сау болмаз.
Этни да ашады, бетни да ашады.
Иги сеники эсе да, сюйген кесимикин этеме.
Кёзюнде тереги болгъан, чёбю болгъаннга кюле эди.
Айран ичген – къутулду, джугъусун джалагъан – тутулду.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Бети къызарыучу адамны, джюреги харам болмаз.
Адамны аманы адамны бети бла ойнар.
Тилчи бир сагъатха айлыкъ хата этер.
Эркиши – от, тиширыу – суу.
Уллу сёзде уят джокъ.
Ашхы тенг джолгъа салыр, аман тенг джолдан тайдырыр.
Гугурук къычырмаса да, тангны атары къалмаз.
Ашлыкъны арба юйге келтирир, чана базаргъа элтир.
Джаш болсун, къыз болсун, акъылы, саны тюз болсун.
Джаз бир кюнню джатсанг, къыш талай кюнню абынырса.
Кютгени беш эчки, сызгъыргъаны уа, джерни джарады.
Къыз келсе, джумуш эте келеди, къатын келсе, ушакъ эте келеди.