- Иги джашны ышаны – аз сёлешиб, кёб тынгылар.
- Накъырданы арты керти болур.
- Кёз – сюйген джерде, къол – ауругъан джерде.
- Тойгъан антын унутур.
- Акъыл аздырмаз, билим тоздурмаз.
- Чакъырылмагъан джерге барма, чакъырылгъан джерден къалма.
- Хар ишни да аллы къыйынды.
- Бал чибинни ургъаны – ачы, балы – татлы.
- Джылар джаш, атасыны сакъалы бла ойнар.
- Бозаны арты дауур болур.
- Ишни аллы бла къууанма да, арты бла къууан.
- Ата Джуртча джер болмаз, туугъан элча эл болмаз.
- Айырылмаз джууугъунга, унутмаз сёзню айтма.
- Аууз сакълагъан – джан сакълар.
- Ишин билген, аны сыйын чыгъарады.
- Сабийни джумушха джибер да, ызындан бар.
- Соргъан айыб тюлдю, билмеген айыбды.
- Акъылсызны джууукъгъа алма, акъыллыны кенгнге салма.
- Тай асырагъан, атха минер.
- Урама да – ёледи, сатама да – келеди.
- Джиби бир къат джетмей эди да, эки къат тарта эди.
- Ашхы адам – халкъ байлыгъы, ашхы джер – джашау байлыгъы.
- Босагъагъа джууукъ орун болса, ашыгъыб тёрге озма.
- Аман адам элни бир-бирине джау этер.
- Кёл – къызбай, къол – батыр.
- Ач уят къоймаз.
- Къарнынг тойгъунчу аша да, белинг талгъынчы ишле.
- Ач бёрюге мекям джокъ.
- Эркишиге тары кебек танг кёрюнюр.
- Къазанчы аман болса, къазаны къайнамаз.
- Шайтан алдады, тюзлюк къаргъады.
- Сескекли кесин билдирир.
- Джаш къарыу бла кючлю, къарт акъыл бла кючлю.
- Билеги кючлю, бирни джыгъар, билими кючлю, мингни джыгъар.
- Ашаса, ашамаса да, бёрюню ауузу – къан.
- Тюзню ётмеги тюзде къалса да, тас болмаз.
- Бир абыннган – минг сюрюнюр.
- Бозанг болмагъан джерге, къалагъынгы сукъма.
- Ачылгъан эт джабылыр, кёрген кёз унутмаз.
- Эли джокъну – кёлю джокъ.
- Аман киши кеси юйюнде – къонакъ.
- Ётюрюк хапар аякъ тюбю бла джюрюйдю.
- Къыйынлы джети элге оноу этер.
- Таула не мийик болсала да, аууш табылыр.
- Тойгъанлыкъ къойгъа джарашады.
- Суу да къайтады чыкъгъан джерине.
- Адам сёзге тынгыла, акъыл сёзню ангыла.
- Къонакъ аман болса, къонакъбай джунчур
- Тиширыусуз юй – отсуз от джагъа.
- Билим насыб берир, билим джолну керир.