Эльбрусоид :: Эльбрусоид :: Фотографии СКД "Эльбрусоид"

Сёз садакъдан кючлюдю.
Тенгинг джокъ эсе – изле, бар эсе – сакъла!
Кюлме джашха – келир башха.
Джигер – джаннга къыйынлыкъ.
Илму – джашауну джолу.
Тик ёргени, тик энгишгеси да болады.
Байдан умут эте, джарлыдан ёгюз багъасы къорады.
Адам къыйынлыгъын кёлтюрюр, зауукълугъун кёлтюрмез.
Гугук кесини атын айтыб къычыргъанча, мен, мен деб нек тураса?
Байлыкъдан саулукъ ашхыды.
Къызын тута билмеген, тул этер, джашын тута билмеген, къул этер.
Ариу – кёзге, акъыл – джюрекге.
Ишлемеген – тишлемез.
Къызгъанчдан ычхыныр, мухардан ычхынмаз.
Рысхысына кёре, джаш ёсер, къышлыгъына кёре, мал ёсер.
Ата Джуртча джер болмаз, туугъан элча эл болмаз.
Итли къонакъ джарашмаз.
Ёлмесенг да, къарт дамы болмазса?
Ауурну тюбю бла, дженгилни башы бла джюрюген.
Кюн – узун, ёмюр – къысха.
Къарт болгъан джерде, берекет болур, сабий болгъан джерде, оюн болур.
Акъыл неден да кючлюдю.
Ётюрюкден тюбю джокъ, кёлтюрюрге джиби джокъ.
Тешигини къатында, чычхан да батыр болур.
Айныгъанлы алты кюн, тогъайгъанлы тогъуз кюн.
Эл ауузу – элек, анга ийнаннган – халек.
Хаухну атма, ёнгкючню сатма.
Кесинг сынамагъан затны, адамгъа буюрма.
Тин – байлыгъынг, терен саулугъунг.
Таукел тауну аудурур.
Халкъны джырын джырласанг, халкъ санга эжиу этер.
Аман хансны – урлугъу кёб.
Тилсиз миллет джокъ болур.
Акъдан къара болмаз.
Арба аугъандан сора, джол кёргюзтюучю кёб болур.
Джуртун къоругъан озар.
Айырылмаз джууугъунга, унутмаз сёзню айтма.
Башсыз урчукъ тюзюне айланмаз.
Джиби бир къат джетмей эди да, эки къат тарта эди.
Келлик заман – къартлыкъ келтирир, кетген заман – джашлыкъ ёлтюрюр.
Ач да бол, токъ да бол – намысынга бек бол.
Къонакъ аман болса, къонакъбай джунчур
От этилмеген джерден тютюн чыкъмайды.
Бек анасы джыламаз.
Аман адамны тепсинге олтуртсанг, къызынгы тилер.
Къонагъынгы артмагъын алма да, алгъышын ал.
Сабийни джумушха джибер да, ызындан бар.
Акъыл аздырмаз, билим тоздурмаз.
Накъырда – кертини келечиси.
Ичимден чыкъды хата, къайры барайым сата?