- Адамгъа аман кюн соруб келмейди.
- Сагъыш – къартлыкъгъа сюйюмчю.
- Эл ауузу – элек, анга ийнаннган – халек.
- Эл ауузу – элия.
- Къонагъынгы артмагъын алма да, алгъышын ал.
- Джарлы джети элни сёзюн этер.
- Ышармагъан – кюлмез, кюлмеген – къууанчны билмез.
- Ашыкъгъан cуу, тенгизге джетмез.
- Аманнга алтын чыдамаз.
- Башы джабылгъан челекге, кир тюшмез.
- Байма, деб да, къууанма, джарлыма, деб да, джылама.
- Ана кёлю – балада, бала кёлю – талада.
- Адамны аманы адамны бети бла ойнар.
- Эл бла кёргенинг эрелей.
- Тёгюлген тюгел джыйылмайды.
- Кесине оноу эте билмеген, халкъына да эте билмез.
- Эрни эр этерик да, къара джер этерик да, тиширыуду.
- Кечеси – аяз, кюню – къыш, джарлы къаргъагъа бир аш тюш!
- Къолу уллу – асыу, аягъы уллу – джарсыу.
- Айран тёгюлсе, джугъусу къалыр.
- Дженгил джетерикме деб, узун джолну къоюб, къысхасын барма.
- Ёлмесенг да, къарт дамы болмазса?
- Адам сёзге тынгыла, акъыл сёзню ангыла.
- Сёз садакъдан кючлюдю.
- Иги сеники эсе да, сюйген кесимикин этеме.
- Билгенни къолу къарны джандырыр.
- Тойчу джашха къарама, къойчу джашха къара.
- Ётюрюкню башын керти кесер.
- Ашхы тенг джолгъа салыр, аман тенг джолдан тайдырыр.
- Байлыкъ келсе, акъыл кетер.
- Насыб бютеу халкъны юлюшюдю.
- Ургъан суудан башынгы сакъла.
- Хантына кёре тузу, юйюне кёре къызы.
- Къонакъ аман болса, къонакъбай джунчур
- Чалманны аллы къалай башланса, арты да алай барады.
- Эл тойса, тоймагъан, эл къойса, къоймагъан.
- Кёбню кёрген – кёб билир.
- Алтыда кюлмеген, алтмышда кюлмез.
- Адам боллукъ, атламындан белгили болур.
- Ач да бол, токъ да бол – намысынга бек бол.
- Кийим тукъум сордурур.
- Ауругъан – джашаудан умутчу.
- Ушамагъан – джукъмаз.
- Ач уят къоймаз.
- Аманнга игилик этсенг, юйюнге сау бармазса.
- Байлыкъдан саулукъ ашхыды.
- Аджаллыгъа окъсуз шкок атылыр.
- Намыс болмагъан джерде, насыб болмаз.
- Къошда джокъгъа – юлюш джокъ.
- Хатерли къул болур.