- Тёзгеннге, джабылгъан эшик ачылыр.
- Акъыллы эркиши атын махтар, акъылсыз эркиши къатынын махтар.
- Элни кючю – эмеген.
- Таш ата билмеген, башына урур.
- Джиби бир къат джетмей эди да, эки къат тарта эди.
- Айырылмаз джууугъунга, унутмаз сёзню айтма.
- Намыс болмагъан джерде, насыб болмаз.
- Иши джокъну, сыйы джокъ.
- Эри аманны, къатыны – аман.
- Сабыр джетер муратха, сабырсыз къалыр уятха.
- Ишлегенде эринме, ишде чолакъ кёрюнме.
- Бастасын ашагъан, хантусун да ичер.
- Джангыз терек къынгыр ёсер.
- Биреуню къыйынлыгъы бла кесинге джол ишлеме.
- Чомарт къонакъ юй иесин сыйлар.
- Къошда джокъгъа – юлюш джокъ.
- Ариуну – ауруу кёб.
- Ашхы болсанг, атынг чыгъар, аман болсанг, джанынг чыгъар.
- Аджашханны ызындагъы кёреди, джангылгъанны джанындагъы биледи.
- Хар зат кесини орнуна иги.
- Ариу джол аджал келтирмез.
- Ат да турмайды бир териде.
- Ата – билек, ана – джюрек!
- Сормай – алма, чакъырылмай – барма.
- Байма, деб да, къууанма, джарлыма, деб да, джылама.
- Ач уят къоймаз.
- Тил джюрекге джол ишлейди.
- Къайгъы тюбю – тенгиз.
- Эрине къаргъыш этген къатын, эрнин къабар.
- Къарнынг тойгъунчу аша да, белинг талгъынчы ишле.
- Тили узунну, намысы – къысха.
- Билим ат болуб да чабар, къуш болуб да учар.
- Тил – кесген бычакъ, сёз – атылгъан окъ.
- Адамны сабийин сюйген джюреги, бычакъча, джитиди.
- Башланнган иш битер, къымылдагъан тиш тюшер.
- Къалгъан ишге къар джауар.
- Джылкъыдан – ат чыгъар, тукъумдан – джаш чыгъар.
- Акъыллы айтыр эди, акъылсыз къоймайды.
- Арбаз къынгырды да, ийнек сауалмайма.
- Аджалсыз ёлюм болмаз.
- Арпа, будай – ащды, алтын, кюмюш а – ташды.
- Кимни – тили, тиши онглу, кимни – къолу, иши онглу.
- Айтылгъан сёз ызына къайтмаз.
- Тюзлюк тас болмайды.
- Уясында не кёрсе, учханында аны этер.
- Сютню башын джалагъан къутулур, тюбюн ичген тутулур.
- Таула не мийик болсала да, аууш табылыр.
- Аман адамны тепсинге олтуртсанг, къызынгы тилер.
- Къазанда болса, чолпугъа чыгъар.
- Игилик игилик бла сингдирилиучю затды.
Фотографии СКД "Эльбрусоид"
22.12.2014
Фотографии с тренировок спортивного клуба дзюдо