Эльбрусоид :: Эльбрусоид :: Различные фото

Хатерли къул болур.
Чарсда алчыны эл кёреди.
Ичимден чыкъды хата, къайры барайым сата?
Къумурсхала джыйылсала, пилни да джыгъадыла.
Иесиз малны бёрю ашар.
Ачны эсинде – аш.
Тин – байлыгъынг, терен саулугъунг.
Эр абынмай, эл танымаз.
Келинин тута билмеген, къул этер, къызын тута билмеген, тул этер.
Къарнынг ауруса, ауузунгу тый
Ойнай-ойнай кёз чыгъар.
Эшекге миннген – биринчи айыб, андан джыгъылгъан – экинчи айыб.
Эшекни не къадар тюйсенг да, ат болмаз.
Эркишини аманы тиширыуну джылатыр.
Хата – гитчеден.
Джашны джигитлиги сорулур, къызны джигерлиги сорулур.
Кесине оноу эте билмеген, халкъына да эте билмез.
Адам къыйынлыгъын кёлтюрюр, зауукълугъун кёлтюрмез.
Билимсиз иш бармаз.
Арыгъан къош чамчы болур.
Тойгъа алгъа да барма, тойда артха да къалма.
Бети къызарыучу адамны, джюреги харам болмаз.
Харам къарнашдан, халал тенг ашхы.
Ашын ашагъанынгы, башын да сыйла.
Ёзденликни джайгъан – джокълукъ.
Юй ишлеген балта эшикде къалыр.
Къатыны харакетли болса, эри къымсыз болур.
Олтуруб кёрюнмей эди да, ёрге туруб кёрюне эди.
Сёз садакъдан кючлюдю.
Кимни – тили, тиши онглу, кимни – къолу, иши онглу.
Джаралыны джастыгъында сау ёлюр.
Ана кёлю – балада, бала кёлю – талада.
Дууулдаса – бал чибин, къонса – къара чибин.
Тура эдим джата, къайдан чыкъды хата?
Ашлыкъ – бюртюкден, джюн – тюкден.
Акъдан къара болмаз.
Мал кёб болса, джууукъ кёб болур.
Адам сёзюнден белгили.
Алгъанда – джууукъ, бергенде – джау.
Ышармагъан – кюлмез, кюлмеген – къууанчны билмез.
Таякъ этден ётер, тил сюекден ётер.
Баш – акъыл ючюн, акъылман – халкъ ючюн.
Окъумагъан сокъурду, сокъур ташха абыныр!
Халкъгъа джарагъан, джарлы къалмаз.
Чакъырылмагъан джерге барма, чакъырылгъан джерден къалма.
Кийимни бир кюнню аясанг, минг кюннге джарар.
Ариу – кёзге, акъыл – джюрекге.
Башланнган иш битер, къымылдагъан тиш тюшер.
Алтыннга тот къонмаз.
Таукел адам тау тешер.