Эльбрусоид :: Эльбрусоид :: Тренировки и сборы

Джылыгъа джылан илешир.
Тилчиден кери бол.
Джашынгы кесинг юретмесенг, джашау юретир.
Чомартны къолун джокълукъ байлар.
Сабыр джетер муратха, сабырсыз къалыр уятха.
Тенгни тенглиги джашай барсанг билинир.
Чыкълы кюнде чыкъмагъан, чыкъса къуру кирмеген.
Игини сыйлагъан адетди.
Сёз сёзню айтдырыр.
Алим болгъандан эсе, адам болгъан къыйынды.
Ашхы – джыяр, аман – джояр.
Сормай – алма, чакъырылмай – барма.
Къарнынг къанлынга кийирир.
Джолда аягъынга сакъ бол, ушакъда тилинге сакъ бол.
Зарда марда джокъ.
Эр абынмай, эл танымаз.
Чёбню кёлтюрсенг, тюбюнден сёз чыгъар.
Ойнай-ойнай кёз чыгъар.
Къыз тиширыу кеси юйюнде да къонакъды.
Къарны аманнга къазан такъдырма, къолу аманнга от джакъдырма.
Юйлю уругъа ит чабмаз.
Хар адамгъа кеси миннген тау кибик.
Акъыллы башны – тили къысха.
Сакъалы текени да бар, мыйыгъы киштикни да бар.
Узун джолну барсанг, бюгюн келирсе, къысха джолну барсанг, тамбла келирсе.
Нарт сёз – тилни бети.
Соргъан айыб тюлдю, билмеген айыбды.
Суугъа – таянма, джаугъа – ийнанма.
Экеу тутушса, биреу джыгъылыр.
Байны оноуу, джарлыгъа джарамаз.
Джукъу тёшек сайламайды.
Садакъачыны джаны – къапчыгъында.
Окъумагъан сокъурду, сокъур ташха абыныр!
Къартны бурнун сюрт да, оноугъа тут.
Тойгъа барсанг, тоюб бар, эски тонунгу къоюб бар.
Керти сёзге тёре джокъ.
Хантына кёре тузу, юйюне кёре къызы.
Берекет берсин деген джерде, берекет болур.
Къуру гыбыт бек дыгъырдар.
Гугук кесини атын айтыб къычыргъанча, мен, мен деб нек тураса?
Айтхан сёзюне табылгъан.
Джаз бир кюнню джатсанг, къыш талай кюнню абынырса.
Кирсизни – саны таза, халалны – къаны таза.
Аурууну келиую тынч, кетиую – къыйын.
Ариу сёз джыланны орнундан чыгъарыр.
Ауурну тюбю бла, дженгилни башы бла джюрюген.
Тенги кёбню джау алмаз, акъылы кёбню дау алмаз.
Ач къарным, тынч къулагъым.
Баш – акъыл ючюн, акъылман – халкъ ючюн.
Алтыннга тот къонмаз.