- Кесине оноу эте билмеген, халкъына да эте билмез.
- Тай асырагъан, атха минер.
- Айтхан – тынч, этген – къыйын.
- Джырына кёре эжиую.
- Сабийни джумушха джибер да, ызындан бар.
- Тёзгеннге, джабылгъан эшик ачылыр.
- Нафысынгы айтханын этме, намысынгы айтханын эт.
- Сёз къанатсыз учар.
- «Ма», - дегенни билмесенг, «бер», - дегенни билмезсе.
- Къатыны харакетли болса, эри къымсыз болур.
- Тилсиз миллет джокъ болур.
- Адеб джокъда, намыс джокъ.
- Таугъа чыгъаллыкъ эсенг, тюзде къалма.
- От этилмеген джерден тютюн чыкъмайды.
- Бёрю да ач къалмасын, эчки да ашалмасын.
- Джолунга кёре – джюрюшюнг, джагъанга кёре – юлюшюнг.
- Тойгъа барсанг, тоюб бар, эски тонунгу къоюб бар.
- Аджалсыз ёлюм болмаз.
- Игилик игилик бла сингдирилиучю затды.
- Мадар болса, къадар болур.
- Сакъ юйюне сау барыр.
- Оюмсуз атлагъан, аджалсыз ёлюр.
- Элиб деген, элге болушур.
- Джюрекден джюрекге джол барды.
- Алим болгъандан эсе, адам болгъан къыйынды.
- Къыз тиширыу кеси юйюнде да къонакъды.
- Кёзден кетген, кёлден да кетеди.
- Сууда джау джокъ, кёб сёзде магъана джокъ.
- Иги адам абынса да, джангылмаз.
- Окъдан джара эртде-кеч болса да бителир, сёз джара, ёмюрге къалыр.
- Баш болса, бёрк табылыр.
- Биреуге аманлыкъны тилеме да, кесинге ашхылыкъны тиле.
- Джырчы джырчыгъа – къарнаш.
- Сабыр джетер муратха, сабырсыз къалыр уятха.
- Чакъырылгъанны аты, чакъырылмагъанны багъасы болур.
- Таш ата билмеген, башына урур.
- Огъурлуну сёзю – суу, огъурсузну сёзю – уу.
- Рысхысына кёре, джаш ёсер, къышлыгъына кёре, мал ёсер.
- Айранын берсенг, челегин да къызгъанма.
- Зар адамны насыбы болмаз.
- Тил – кесген бычакъ, сёз – атылгъан окъ.
- Телиге акъыл салгъандан эсе, ёлгеннге джан салырса.
- Окъуусуз билим – джокъ, билимсиз кюнюнг – джокъ.
- Юйюнгден чыкъдынг – кюнюнгден чыкъдынг.
- Адамны сыфатына къарама, сёзюне къара.
- Ашына кёре табагъы, балына кёре къалагъы.
- Кирсизни – саны таза, халалны – къаны таза.
- Къарт болгъан джерде, берекет болур, сабий болгъан джерде, оюн болур.
- Ашха уста, юйюнде болсун
- Кеси юйюмде мен да ханма.
Фотографии СКД "Эльбрусоид"
22.12.2014
Фотографии с тренировок спортивного клуба дзюдо