Чомарт бергенин айтмаз.
Хазыр ашха – терен къашыкъ.
Ауругъаннга – кийик саулукъ, джетген къызгъа – чилле джаулукъ.
Джауумдан сора, кюн кюйдюрюр, ётюрюкден сора, айыб кюйдюрюр.
Къолу уллу – асыу, аягъы уллу – джарсыу.
Эм уллу байлыкъ – джан саулукъ.
Ариу джол аджал келтирмез.
Иги джашны ышаны – аз сёлешиб, кёб тынгылар.
Орну джокъну – сыйы джокъ.
Иги – алгъыш этер, аман – къаргъыш этер.
Къонакъ болсанг, ийнакъ бол.
Дуния малгъа сатылма, кесингден телиге къатылма.
Уллу къашыкъ эрин джыртар.
Ишлерге уял да, ашаргъа табма.
Адам боллукъ, атламындан белгили болур.
Биреу ашаб къутулур, биреу джалаб тутулур.
Окъумагъан сокъурду, сокъур ташха абыныр!
Кёз – сюйген джерде, къол – ауругъан джерде.
Аджаллыгъа окъсуз шкок атылыр.
Адамны аманы адамны бети бла ойнар.
Эл бла кёргенинг эрелей.
Ётюрюкню башын керти кесер.
Иги сёз – джаннга азыкъ, аман сёз башха – къазыкъ.
Урама да – ёледи, сатама да – келеди.
Аджашхан тёгерек айланыр.
Къайгъыны сюйген, къайгъы табар.
Сакъалы текени да бар, мыйыгъы киштикни да бар.
Джыгъылгъанны сырты джерден тоймаз.
Эм ашхы къайын ана мамукъ бла башынгы тешер.
Этни бети бла шорпасы.
Акъдан къара болмаз.
Ариу – кёзге, акъыл – джюрекге.
Айтхан сёзюне табылгъан.
Дуния аламаты сен эсенг да, игиме деб айтма.
Къаллай салам берсенг, аллай джууаб алырса.
Къумурсхала джыйылсала, пилни да джыгъадыла.
Тенгни тенглиги джашай барсанг билинир.
Элиб деген, элге болушур.
Джерни букъусу кёкге къонмаз.
Мал ёлсе, сюек къалыр, адам ёлсе, иши къалыр.
Тёзгеннге, джабылгъан эшик ачылыр.
Таугъа чыгъаллыкъ эсенг, тюзде къалма.
Ишлегенден, къарагъан уста.
Тойгъан джерге джети къайт.
Джырчы джырчыгъа – къарнаш.
Джаш къарыу бла кючлю, къарт акъыл бла кючлю.
Биреуню къыйынлыгъы бла кесинге джол ишлеме.
Арбаз сайлама да, хоншу сайла.
Ашына кёре табагъы, балына кёре къалагъы.
Байлыкъдан саулукъ ашхыды.
