Чомартны къолу берекет.
Тешигини къатында, чычхан да батыр болур.
Ауузу аманнга «иги», деме.
Хатерли къул болур.
Онгсузну – джакъла, тенгликни – сакъла.
Атлыны кёрсе, джаяуну буту талыр.
Адеб джокъда, намыс джокъ.
Мухардан ач ычхынмаз.
Джарашыу сюйген – джалынчакъ.
Айтылгъан буйрукъ, сёгюлмез
Кийиминг бла танылма, адамлыкъ бла таныл.
Акъылсызны джууукъгъа алма, акъыллыны кенгнге салма.
Намысы джокъну – дуниясы джокъ.
Ариу сёз – къылычдан джити.
Кёб джат да, бек чаб.
Экеу тутушса, биреу джыгъылыр.
Суугъа – таянма, джаугъа – ийнанма.
Эли джокъну – кёлю джокъ.
Джашынгы кесинг юретмесенг, джашау юретир.
Ач келгенни – тойдур, кеч келгенни – къондур.
Алтыда кюлмеген, алтмышда кюлмез.
Ашарыкъда сайлагъаннга – чий гырджын.
Ачлыкъ отха секиртир.
Эркиши – от, тиширыу – суу.
Адам туугъан джеринде, ит тойгъан джеринде.
Иги адам абынса да, джангылмаз.
Ач къалгъандан, кеч къалгъан къолай.
Уллу сёлешме да, уллу къаб.
Къолу уллу – асыу, аягъы уллу – джарсыу.
Джарлы тюеге минсе да, ит къабар.
Кесинге джетмегенни, кёб сёлешме.
Сакъламагъан затынга джолукъсанг, не бек къууанаса, не бек ачыйса.
Адамны артындан къара сабан сюрме.
Арпа, будай – ащды, алтын, кюмюш а – ташды.
Билмейме деген – бир сёз
Къралынгы – душмандан, башынгы от бла суудан сакъла.
Къая джолда джортма, ачыкъ сёзден къоркъма.
Къарнынг тойгъунчу аша да, белинг талгъынчы ишле.
Тенгинг джокъ эсе – изле, бар эсе – сакъла!
Иги сёз – джаннга азыкъ, аман сёз башха – къазыкъ.
Тилчи тилден къаныкъмаз.
Джашда акъыл джокъ, къартда къарыу джокъ.
Билим къая тешер.
Тулпарлыкъ, билекден тюл – джюрекден.
Азыкълы ат арымаз, къатыны аман джарымаз.
Шайтан алдады, тюзлюк къаргъады.
Башсыз урчукъ тюзюне айланмаз.
Эшекни не къадар тюйсенг да, ат болмаз.
Сабий болмагъан джерде, мёлек болмаз.
Эрни эр этерик да, къара джер этерик да, тиширыуду.
