Ашхы адам – халкъ байлыгъы, ашхы джер – джашау байлыгъы.
Шайтан алдады, тюзлюк къаргъады.
Акъыл аздырмаз, билим тоздурмаз.
Сабыр джетер муратха, сабырсыз къалыр уятха.
Ана кёлю – балада, бала кёлю – талада.
Дуния мал дунияда къалады.
Чакъырылмай келген къонакъ сыйланмай кетер.
Тенгинг джокъ эсе – изле, бар эсе – сакъла!
Джаханимни кёрмей, джандетге кёл салмазса.
Ат да турмайды бир териде.
Нафысынгы айтханын этме, намысынгы айтханын эт.
Сютден ауузу кюйген, суугъа юфгюре эди.
Джыйырма къойну юч джыйырма эбзе кюте эди.
Этни да ашады, бетни да ашады.
Къанны къан бла джуума, аманны аман бла къуума.
Окъ къызбайны джокълайды.
Къыйынлы джети элни къайгъысын этер.
Ашарыкъда сайлагъаннга – чий гырджын.
Бек ашыкъгъан меннге джетсин, дегенди аракъы.
Ётюрюкчюню шагъаты – къатында.
Джылар джаш, атасыны сакъалы бла ойнар.
Сёз садакъдан кючлюдю.
Огъурлуну сёзю – суу, огъурсузну сёзю – уу.
Хазыр ашха – терен къашыкъ.
Кийиминг бла танылма, адамлыкъ бла таныл.
Бет бетге къараса, бет да джерге къарар.
Арыгъан къош чамчы болур.
Джаз бир кюнню джатсанг, къыш талай кюнню абынырса.
Къая джолда джортма, ачыкъ сёзден къоркъма.
Мал тутхан – май джалар.
Хар ишни да аллы къыйынды.
Ёлюр джаннга, ёкюл джокъ.
Акъыллы – эл иеси, тели – эл баласы.
Адебни адебсизден юрен.
Къумурсхала джыйылсала, пилни да джыгъадыла.
Тойгъан антын унутур.
Эки элинги тыйсанг, джети элде махталырса.
Тыш элде солтан болгъандан эсе, кесинги элде олтан болгъан игиди!
Адам сёзюнден белгили.
Ашхы атаны – джашы ашхы, ашхы ананы – къызы ашхы.
Аманнга игилик этсенг, юйюнге сау бармазса.
Окъугъанны бети джарыкъ.
Аджашхан тёгерек айланыр.
Кёзден кетген, кёлден да кетеди.
Юреннген ауруу къалмаз.
Эки къатын алгъан – эки ташны ортасына башын салгъан.
Акъылсызны джууукъгъа алма, акъыллыны кенгнге салма.
Къонакъ хазыр болгъанлыкъгъа, къонакъбай хазыр тюлдю.
Къарт бла баш аша, джаш бла аякъ аша.
Ёлмесенг да, къарт дамы болмазса?
