Алим болгъандан эсе, адам болгъан къыйынды.
Ата Джуртуму башы болмасам да, босагъасында ташы болайым.
Бек ашыкъгъан меннге джетсин, дегенди аракъы.
Джети тилни билген джети кишиди.
Ишлемеген – тишлемез.
Аджаллыгъа окъсуз шкок атылыр.
Чёбню кёлтюрсенг, тюбюнден сёз чыгъар.
Ишленмеклик адамлыкъды.
Къыз келсе, джумуш эте келеди, къатын келсе, ушакъ эте келеди.
Кирсизни – саны таза, халалны – къаны таза.
Экеу тутушса, биреу джыгъылыр.
Джогъун бар этген, барын бал этген.
Кёб джат да, бек чаб.
Джетген къыз джерли эшекни танымаз.
Иги джашны ышаны – аз сёлешиб, кёб тынгылар.
Чакъырылмагъан къонакъ къачан кетерин сормаз.
Тёзген – тёш ашар!
Адам къыйынлыгъын кёлтюрюр, зауукълугъун кёлтюрмез.
Сагъышы джокъ – джукъучу, акъылы джокъ – къаугъачы.
Ойнай билмеген, уруб къачар.
Эрине къаргъыш этген къатын, эрнин къабар.
Эр сокъур болсун, къатын тилсиз болсун.
Тюз сёз баргъан сууну тыяр.
Юйлю уругъа ит чабмаз.
Биреуге кёлтюрген таягъынг, кесинги башынга урур.
Ач келгенни – тойдур, кеч келгенни – къондур.
Бир онгсуз адам адет чыгъарды, деб эштирик тюлсе.
Сёз – кюмюш, джыр – алтын.
Къонакъ аман болса, къонакъбай джунчур
Кёбню кёрген – кёб билир.
Ашыкъгъан cуу, тенгизге джетмез.
Элни кючю – эмеген.
Сёлеш деб шай берген, тохта деб, сом берген.
Тешик этген тынчды, аны джамагъан къыйынды.
Адам бла мюлк юлешмеген эсенг, ол адамны билиб бошагъанма, деб кесинги алдама.
Къарнынг къанлынга кийирир.
Абынмазлыкъ аякъ джокъ, джангылмазлыкъ джаякъ джокъ.
Къыйынлы джети элни къайгъысын этер.
Хар ишни да аллы къыйынды.
Сютден ауузу кюйген, суугъа юфгюре эди.
Ёлюр джаннга, ёкюл джокъ.
Тил – кесген бычакъ, сёз – атылгъан окъ.
Кюл тюбюндеги от кёрюнмейди.
Къумурсхала джыйылсала, пилни да джыгъадыла.
Сёз сёзню айтдырыр.
Тенгни тенглиги джашай барсанг билинир.
Халкъны юйю – туугъан джери.
Азыкълы ат арымаз, къатыны аман джарымаз.
Баргъанынга кёре болур келгенинг.
Элиб деген, элге болушур.
