Айыбны суу бла джууалмазса.
Тойгъан антын унутур.
Иги джашны ышаны – аз сёлешиб, кёб тынгылар.
Насыб бютеу халкъны юлюшюдю.
Игини сыйлагъан адетди.
Сютден ауузу кюйген, суугъа юфгюре эди.
Ашхы адам – халкъ байлыгъы, ашхы джер – джашау байлыгъы.
Сабыр джетер муратха, сабырсыз къалыр уятха.
Чакъырылмагъан къонакъ – орунсуз.
Атадан ёксюз – бир ёксюз, анадан ёксюз – эки ёксюз.
Ашаса, ашамаса да, бёрюню ауузу – къан.
Къарын къуру болса, джюрек уру болур.
Чомарт бергенин айтмаз.
Баш болса, бёрк табылыр.
Къарыусузгъа кюлме, онгсузгъа тийме.
Ётюрюкчюню шагъаты – къатында.
Биреуге аманлыкъны тилеме да, кесинге ашхылыкъны тиле.
Чыкълы кюнде чыкъмагъан, чыкъса къуру кирмеген.
Халкъны юйю – туугъан джери.
Элиб деген, элге болушур.
Бет бетге къараса, бет да джерге къарар.
Кюл тюбюндеги от кёрюнмейди.
Азыкъ аз болса, эртде орун сал.
Аман хансны – урлугъу кёб.
Къазанчы аман болса, къазаны къайнамаз.
Ана къойну – балагъа джандет.
Тиширыусуз юй – отсуз от джагъа.
Кёз – сюйген джерде, къол – ауругъан джерде.
Къарт болгъан джерде, берекет болур, сабий болгъан джерде, оюн болур.
Тешик этген тынчды, аны джамагъан къыйынды.
Сибиртки да сыйлы болду, кюрек да кюнлю болду.
Ичимден чыкъды хата, къайры барайым сата?
Ачыу алгъа келсе, акъыл артха къалады.
Элге къуллукъ этмеген, элге ие болмаз.
Ханы къызы буюгъа-буюгъа киштик болду.
Телиге акъыл салгъандан эсе, ёлгеннге джан салырса.
Къар – келтирди, суу – элтди.
Берекет берсин деген джерде, берекет болур.
Къызбайны юйюне дери сюрсенг, батыр болур.
Ётген ёмюр – акъгъан суу.
Къызын тута билмеген, тул этер, джашын тута билмеген, къул этер.
Акъдан къара болмаз.
Джарлыны тону джаз битер.
Кёлсюзден сёзсюз тууар.
Ёгюзню мюйюзлери ауурлукъ этмейдиле.
Къатын байлыкъны сюер, эр саулукъну сюер.
Чалманны аллы къалай башланса, арты да алай барады.
Шайтан алдады, тюзлюк къаргъады.
Къонакъ болсанг, ийнакъ бол.
Ач бёрюге мекям джокъ.
