Бал ашаргъа сюе эсенг, чибин ургъаннга тёз.
Асхат ашлыкъ сата, юйдегиси ачдан къата.
Ышармагъан – кюлмез, кюлмеген – къууанчны билмез.
Къарт бла баш аша, джаш бла аякъ аша.
Аз сёлешген, къайгъысыз турур.
Таукелге нюр джауар.
Къалгъан ишге къар джауар.
Ач бёрюге мекям джокъ.
Билим – акъылны чырагъы.
Джылыгъа джылан илешир.
Тенгинг джокъ эсе – изле, бар эсе – сакъла!
Байлыкъ тауусулур, билим тауусулмаз.
Биреу къой излей, биреу той излей.
Этни да ашады, бетни да ашады.
Таукел къуру къалмаз.
Къонагъынгы артмагъын алма да, алгъышын ал.
Туз, гырджын аша, тюзлюк бла джаша.
Ачыу алгъа келсе, акъыл артха къалады.
Хата – гитчеден.
Накъырданы арты керти болур.
Акъыл неден да кючлюдю.
Кюлме джашха – келир башха.
Ким бла джюрюсенг, аны кёзю бла кёрюнюрсе.
Джаралыны джастыгъында сау ёлюр.
Чомарт къонакъ юй иесин сыйлар.
Окъугъан озар, окъумагъан тозар.
Кёбню кёрген – кёб билир.
Айранын берсенг, челегин да къызгъанма.
Къатыны харакетли болса, эри къымсыз болур.
Къызгъанчдан ычхыныр, мухардан ычхынмаз.
Аман къатын сабий табса, бий болур…
Адам сёзге тынгыла, акъыл сёзню ангыла.
Суугъа – чабакъ, къаягъа – ыргъакъ.
«Ёгюз, джаргъа джууукъ барма, меннге джюк боллукъса», - дегенди эшек.
Атлыны ашхысы, ат тизгининден билинир
Аман адам элни бир-бирине джау этер.
Экеу тутушса, биреу джыгъылыр.
Джумушакъ сёз къаты таякъны сындырыр.
Биреу ашаб къутулур, биреу джалаб тутулур.
Кийимни бир кюнню аясанг, минг кюннге джарар.
Джашлыкъ этмеген, башлыкъ этмез.
От этилмеген джерден тютюн чыкъмайды.
Ашаса, ашамаса да, бёрюню ауузу – къан.
Тыш элде солтан болгъандан эсе, кесинги элде олтан болгъан игиди!
Акъыллы эркиши атын махтар, акъылсыз эркиши къатынын махтар.
Къозулугъунда тоймагъан, къойлугъунда тоймаз.
Арбаз сайлама да, хоншу сайла.
Ауузу аманнга «иги», деме.
Джылкъыдан – ат чыгъар, тукъумдан – джаш чыгъар.
Джуртун къоругъан озар.
