Къартха ушагъан джаш – акъыллы, джашха ушагъан къарт – тели.
Бёрю да ач къалмасын, эчки да ашалмасын.
Адам туугъан джеринде, ит тойгъан джеринде.
Сакъалы текени да бар, мыйыгъы киштикни да бар.
Байма, деб да, къууанма, джарлыма, деб да, джылама.
Ач отунчуну ачыуу – бурнунда.
Бети – къучакълар, джюреги – бычакълар.
Тешигини къатында, чычхан да батыр болур.
Тамбла алтындан бюгюн багъыр ашхы.
Джан саулукъ бермей, сан саулукъ бермезсе.
Кёрмегеннге кебек – танг, битмегеннге сакъал – танг.
Ата – билек, ана – джюрек!
Къарын къуру болса, джюрек уру болур.
Берекет берсин деген джерде, берекет болур.
Окъ къызбайны джокълайды.
Башсыз урчукъ тюзюне айланмаз.
Тойгъан джерге джети къайт.
Къаллай салам берсенг, аллай джууаб алырса.
Билимден уллу байлыкъ джокъду.
Тюз сёз баргъан сууну тыяр.
Бозанг болмагъан джерге, къалагъынгы сукъма.
Тамчы таш тешер.
Къызгъанчдан ычхыныр, мухардан ычхынмаз.
Тенгинг джокъ эсе – изле, бар эсе – сакъла!
Этим кетсе да, сюегим къалыр.
Ашлыкъны арба юйге келтирир, чана базаргъа элтир.
Билмезни кёзю кёрмез, этмезни къулагъы эшитмез.
Сабий кёргенин унутмаз.
Ачлыкъда тары гырджын халыуадан татлы.
Этни да ашады, бетни да ашады.
Къуру гыбыт бек дыгъырдар.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Гырджын – тепсини тамадасы.
Алгъанда – джууукъ, бергенде – джау.
Къарыусузгъа кюлме, онгсузгъа тийме.
Бир онгсуз адам адет чыгъарды, деб эштирик тюлсе.
Кесине гебен этелмеген, биреуге черен эте эди.
Чабар ат – джетген къыз.
Кёзю сокъурдан – къоркъма, кёлю сокъурдан – къоркъ.
Ач къалгъандан, кеч къалгъан къолай.
Адамгъа аман кюн соруб келмейди.
Бозаны арты дауур болур.
Джуртун къоругъан озар.
Адам къаллай бир ишленмесе, аллай бир кесин уллу кёреди.
Аз сёлешген, къайгъысыз турур.
Адамны сыфатына къарама, сёзюне къара.
Дуния мал дунияда къалады.
Бетинги сатма, малынгы сат.
Ашхы сёз таш тешер.
Ариу сёз джыланны орнундан чыгъарыр.
