Тил джюрекге джол ишлейди.
Айран ичген – къутулду, джугъусун джалагъан – тутулду.
Сакъ юйюне сау барыр.
Байны оноуу, джарлыгъа джарамаз.
Джумушакъ терекни къурт ашар.
Акъылсызны джууукъгъа алма, акъыллыны кенгнге салма.
Атынг аманнга чыкъгъандан эсе, джанынг тамагъынгдан чыкъсын.
Юй кюйдю да, кюйюз чыкъды, ортасындан тюйюш чыкъды.
Гыдай эчки суугъа къараб, мюйюзле кёрмесе, джашма алкъын, дегенди.
Эки къатын алгъан – эки ташны ортасына башын салгъан.
Тилчи тилден къаныкъмаз.
Нёгер болсанг, тенг бол, тенг болмасанг, кенг бол.
Аш хазыр болса, иш харам болур.
Эл тойса, тоймагъан, эл къойса, къоймагъан.
Бичгенде ашыкъма, тикгенде ашыкъ.
Аш иеси бла татлыды.
Адамны сыфатына къарама, сёзюне къара.
Хар адамгъа кеси миннген тау кибик.
Адам туугъан джеринде, ит тойгъан джеринде.
Ышармагъан – кюлмез, кюлмеген – къууанчны билмез.
Керек ташны ауурлугъу джокъ.
Айтылгъан буйрукъ, сёгюлмез
Къарт айтханны этмеген, къартаймаз.
Ёгюзню мюйюзюнден тутадыла, адамны сёзюнден тутадыла.
Джаханимни кёрмей, джандетге кёл салмазса.
Эм уллу байлыкъ – джан саулукъ.
Тойгъандан сора, ашны сёкме.
Байдан умут эте, джарлыдан ёгюз багъасы къорады.
Къыз тиширыу кеси юйюнде да къонакъды.
Билими азны – ауузунда кирит.
Азыгъы аз, алгъа къабар, аты аман, алгъа чабар.
Тамырсыз терекге таянма – джыгъылырса.
Атлыны кёрсе, джаяуну буту талыр.
Адамны сабийин сюйген джюреги, бычакъча, джитиди.
Малны кют, джерни тюрт.
Мураты болгъанны джюрек тебюую башхады.
Джаш болсун, къыз болсун, акъылы, саны тюз болсун.
Намысы болмагъанны, сыйы болмаз.
Тилчиден кери бол.
Хунаны тюбюн къазсанг, юсюнге ауар.
Чомарт бергенин айтмаз.
Айранын берсенг, челегин да къызгъанма.
Минг тенг да азды, бир джау да кёбдю.
Хата – гитчеден.
Адебни адебсизден юрен.
Ашхы сёз таш тешер.
Ашхылыкъ джерде джатмайды, аманлыкъ суугъа батмайды.
Чакъырылгъанны аты, чакъырылмагъанны багъасы болур.
Тойгъа барсанг, тоюб бар, эски тонунгу къоюб бар.
Тойну къарнашы – харс, джырны къарнашы – эжиу.
